केरसिंह अदै, तौलिहवा ।
राष्ट्रिय जनमोर्चा कपिलवस्तुले जिल्लाको दुई ठाउँमा गणतन्त्रको रक्षाका लागि प्रतिगामी कदम विरुद्ध जनचेतना फैलाउन सभा सम्पन्न गरेको छ ।
२०८२ वैशाख २३ गते मङ्गलबार शुद्धोदन गाउँपालिका र मायादेवी गाउँपालिका छुट्टाछुट्टै सभा सम्पन्न गरेको हो ।
शुद्धोदन
जिल्लाको शुद्धोदन गाउँपालिकाको बगदीमा भएको सभालाई राजमो कपिलवस्तुका अध्यक्ष रामप्रसाद बेलबासे र नेकपा (मसाल) कपिलवस्तुका प्रवक्ता माधव भाटक्षेत्रीले सम्बोधन गर्नुभएको थियो ।
यहाँको सभाको सञ्चालन रक्तिम सांस्कृतिक अभियानका केन्द्रीय सदस्य मानबहादुर नेपालीले गर्नुभएको थियो ।
मायादेवी
त्यसैगरी मायादेवी गाउँपालिकाको चाकलचौडामा अर्को कोणसभा सम्पन्न भएको थियो ।
सभालाई जातीय समता समाजका केन्द्रीय सदस्य खगेश्वर सुनार र नेकपा (मसाल) कपिलवस्तुका प्रवक्ता माधव भाटक्षेत्रीले सम्बोधन गर्नुभएको थियो ।
कार्यक्रमको सञ्चालन राजमो कपिलवस्तुका अध्यक्ष रामप्रसाद बेलबासेले गर्नुभएको थियो ।
दुवै स्थानमा सम्बोधन गर्ने वक्ताहरूले राजतन्त्रमा जनताले भोग्नुपरेका पीडा, अशिक्षा आदिमाथि प्रतिगामी चलखेल बढेको बताउँदै गणतन्त्रको रक्षा, सङ्घीयता खारेजीमा जोड दिनुभयो ।
त्यस्तै, उहाँहरूले कृषिप्रधान देश नेपालका किसानको समस्या† जस्तै मलखाद, बिउबिजन, सिँचाइको बारेमा पनि चर्चा गर्नुभएको थियो ।
