बिनामारे (बागलुङ) । जापान नेपाली एकता समाजका साधारण सदस्य सुमित्रा गौतम पौडेलको स्मृतिमा बागलुङको बिनामारेमा श्रद्धाञ्जली सभा समपनन भएको छ ।

जैमिनी नगरपालिका–५ बिनामारेमा २०८२ वैशाख २० गते शनिबार सो कार्यक्रम सम्पन्न भएको थियो ।

कार्यक्रममा राष्ट्रिय जनमोर्चाका केन्द्रीय सल्लाहकार तथा जिल्ला समन्वय समितिका प्रमुख अमर थापा, राजमो बागलुङका अध्यक्ष तिलक थापा, सचिव भीमलाल पोखरेल, कोषाध्यक्ष दीपक थापा, सहसचिव शान्तकला शर्मा, सचिवालय सदस्यहरू लक्ष्मी बासकोटा र थानेश्वर सुवेदी, जिल्ला सदस्य दिलबहादुर श्रीस र ठाकुर शर्मा, जैमिनी नगर सदस्य नरिश्वर शर्मा, वडासमिति सदस्य हरिनायक क्षेत्रीलगायतका नेताकार्यकर्ताले श्रद्धाञ्जली दिनुभएको थियो ।

राजमो बागलुङका जिल्ला सदस्य गोपाल पौडेलको माहिली बुहारी तथा जापान नेपाली एकता समाजका केन्द्रीय सदस्य शिव पौडेलकी पत्नी सुमित्राको ३७ वर्षको उमेरमा गत वैशाख ९ गते निधन भएको थियो ।