नाइजेरिया । नाइजेरियामा आतङ्कवादीले गरेको आक्रमणमा परी ४४ जना सर्वसाधारणको मृत्यु भएको छ ।
आक्रमणबाट ज्यान गुमाएका व्यक्तिको सम्मान र परिवारप्रति समवेदना प्रकट गर्न नाइजर सरकारले शुक्रबारदेखि तीन दिने शोकको घोषणा गरेको छ ।
नाइजेरियाको आन्तरिक मन्त्रालयले राष्ट्रिय टेलिभिजनमार्फत कोकोरोको ग्रामीण सहरको फोनबिटामा रहेको मस्जिदमा भएको बर्बर आक्रमणमा उनीहरुको मृत्यु भएको तथा अन्य १३ जना घाइते भएको जनाएको छ । मन्त्रालयका अनुसार मस्जिदमा प्रार्थनाको समयमा दिउँसोको समयमा आक्रमण भएको थियो ।
आतङ्ककारीले मस्जिदलाई घेरी स्थानीय बजार तथा घरमा समेत आगो लगाएको मन्त्रालयले जनाएको छ । सरकारले अपराधीको खोजी गरी उनीहरूलाई कारबाही गर्ने प्रतिबद्धता जनाएको छ ।
मन्त्रालयका अनुसार इस्लामिक स्टेट समूह र अलकायदासम्बद्ध समस्य वर्षौँदेखि सक्रिय रहेको बुर्किना फासो र मालीको सिमानाको नजिकको क्षेत्रमा आक्रमण भएको हो ।
