केरसिंह अदै, तौलिहवा ।
राष्ट्रिय जनमोर्चा कपिलवस्तुको आयोजनामा सदरमुकाम तौलिहवामा “सङ्घीयता र सङ्घीयताले पारेको असर” विषयक अन्तरक्रिया कार्यक्रम सम्पन्न भएको छ ।
राजमो लुम्बिनी प्रदेश समितिका सल्लाहकार सुरेश थापाको प्रमुख आतिथ्यमा २०८१ माघ २३ गते बुधबार उक्त कार्यक्रम सम्पन्न भएको हो ।
प्रमुख अतिथि थापाले कार्यक्रममा अवधारणापत्र प्रस्तुत गर्नुभएको थियो ।
उक्त अवधारणापत्रमाथि नेकपा (एमाले) कपिलवस्तुका अध्यक्ष बाबुराम खनाल, नेकपा (माओवादी केन्द्र) कपिलवस्तुका संयोजक विष्णु बेलबासे, नेकपा (एकीकृत समाजवादी) कपिलवस्तुका अध्यक्ष अञ्जना सिंह, उद्योग व्यापार सङ्घ कपिलवस्तुका अध्यक्ष कपिल पौडेल, माहुरी होमका अध्यक्ष तथा मानव अधिकारकर्मी रामदयालु ठाकुरले टिप्पणी गर्नुभएको थियो ।
अवधारणापत्रमाथि उठेका प्रश्नबारे प्रमुख अतिथि थापाले स्पष्टीकरण दिनुभएको थियो ।
कार्यक्रममा नेकपा (मसाल) कपिलवस्तुका प्रवक्ता माधव भाटक्षत्री, कुवेत नेपाली एकता समाजका महासचिव खुम रायमाझी, राजमो केन्द्रीय सल्लाहकार दधिराम आचार्य र अखिल नेपाल युवक सङ्घका केन्द्रीय सल्लाहकार देवेन्द्र कुँवरले पनि मन्तव्य राख्नुभएको थियो ।
त्यस्तै कार्यक्रममा अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेल र सङ्घीयता विरोधी मोर्चा कपिलवस्तुका संयोजक पिताम्बर खनालको पनि आतिथ्य रहेको थियो ।
राजमो कपिलवस्तुका अध्यक्ष रामप्रसाद बेलबासेको अध्यक्षतामा अघि बढेको सो कार्यक्रमको सञ्चालन प्रगतिशील पत्रकार सङ्घका केन्द्रीय सल्लाहकार शशि सापकोटा र स्वागत राजमो कपिलवस्तुका सचिव केरसिंह अदैले गर्नुभएको थियो ।
