सन्तोष सुनार, सन्धिखर्क ।
अर्घाखाँचीको सन्धिखर्क–१२ सल्लिकोटमा राष्ट्रिय जनमोर्चाको कोणसभा सम्पन्न भएको छ ।
सङ्घीयता विरुद्धको राजधानीकेन्द्रित आन्दोलन सफल पार्नका लागि २०८१ माघ २२ गते मङ्गलबार सो कार्यक्रम सम्पन्न भएको छ ।
राजमो लुम्बिनी प्रदेश समितिका सदस्य तथा अर्घाखाँची जिल्ला अध्यक्ष थम्मन केसीको प्रमुख आतिथ्यमा अघि बढेको उक्त कार्यक्रममा नेकपा (मसाल) अर्घाखाँचीका प्रवक्ता पशुपति ढकाल, अखिल नेपाल ट्रेड युनियन महासङ्घ (अन्टुक) का उपाध्यक्ष गोविन्द बिसी राजमो अर्घाखाँचीका जिल्ला सदस्य गोपाल पाण्डेले सम्बोधन गर्नुभएको थियो ।
कार्यक्रममा राजमो जिल्ला सदस्य तथा सन्धिखर्क–७ का वडाअध्यक्ष दिलदार हुसेनको सञ्चालनमा अघि बढेको उक्त कार्यक्रममा प्रगतिशील पत्रकार सङ्घ अर्घाखाँचीका सदस्य सन्तोष सुनारको उपस्थिति रहेको थियो ।
सङ्घीयता खारेज गर्न दबाब दिने उद्देश्यले राजमोले आयोजना गरेको आगामी चैत २४ देखि ३० गतेसम्म काठमाडौँकेन्द्रित आन्दोलनको तयारीस्वरूप सो कार्यक्रम गरिएको आयोजकले जनाएको छ ।
आयोजकका अनुसार हालसम्म अर्घाखाँचीको मालारानी गाउँपालिका, भूमिकास्थान नगरपालिका, पाणिनी गाउँपालिका, छत्रदेव गाउँपालिका, शीतगङ्गा नगरपालिका र सन्धिखर्क नगरपालिकाका विभिन्न वडामा कार्यक्रम सम्पन्न भइसकेको छ ।
