त्रियुगा । उदयपुर जिल्लामा आगामी मङ्सर १६ गते हुने स्थानीय तह उपनिर्वाचनमा रिक्त दुई वडाध्यक्ष पदका लागि पाँच राजनीतिक दलले उम्मेदवारको नाम सार्वजनिक गरेका छन् ।
त्रियुगा नगरपालिका– १२ र बेलका नगरपालिका–९ को रिक्त वडाध्यक्ष पदका लागि ती दलले उम्मेदवारको नाम सार्वजनिक गरेका हुन् ।
त्रियुगा नगरपालिका–१२ को वडाध्यक्षमा नेपाली काङ्ग्रेसले सञ्जीव काफ्ले, नेकपा (एमाले) का तर्फबाट लक्ष्मीनारायण चौधरी, नेकपा (माओवादी केन्द्र) ले नविक वान्तावा, नेकपा (एकीकृत समाजवादी) ले निर्मला चौधरी, राष्ट्रिय स्वतन्त्र पार्टीले ध्रुव पोखरेललाई उम्मेदवार बनाएको छ ।
त्यसैगरी, बेलका नगरपालिका–९ को वडाध्यक्षमा काङ्ग्रेसले नवराज बस्नेत, एमालेले मनोज खड्का, माओवादी केन्द्रले भरत घिमिरे र रास्वपाले तेजमान विकलाई उम्मेदवार बनाएको छ ।
त्रियुगा नगरपालिका–१२ मा तीन हजार ८०० र बेलका नगरपालिका–९ मा तीन हजार ४०० मतदाता रहेका जिल्ला निर्वाचन कार्यालयले जनाएको छ ।
