रियाद । सउदी अरब नेपाली एकता समाजको केन्द्रीय भेला सम्पन्न भएको छ । अन्तर्राष्ट्रिय नेपाली एकता समाजका महासचिव लुमाकान्त पुनको विशेष उपस्थितिमा सम्पन्न भेला सम्पन्न भएको हो ।
भेलाले राजकुमार धिताल (दमाम) को अध्यक्षतामा ११ सदस्यीय केन्द्रीय समिति गठन गरेको छ । समितिको उपाध्यक्षमा दुर्गाबहादुर परियार (रियाद), महासचिवमा जेबी फौजा (खमिस मुसायत), कोषाध्यक्षमा गणेशप्रसाद पोख्रेल (अभा) र सचिवमा खुमिराम भण्डारी (रियाद) रहनुभएको छ । त्यस्तै, सदस्यमा ठाकुर पौडेल (जुवेल), दिपक बन्जाडे (दमाम), हरिप्रसाद शर्मा (रियाद), खेम राना मगर (दमाम), नरेन्द्र केसी (जेद्दा) र टिपकुमार (दमाम) रहनुभएको छ ।
२०७७ वैशाख २६ तदनुसार मे ८, २०२० का दिन सम्पन्न सो भेलाको अध्यक्षता राजकुमार धिताल, सञ्चालन जेबी फौजाले र स्वागत मन्तव्य खुमिराम भण्डारीले गर्नुभएको थियो । सन् १९९४ मा स्थापित सउदी अरब नेपाली एकता समाजको सो भेला भिडियो कन्फ्रेन्स मार्फत् भएको थियो ।
