ढोरपाटन (बागलुङ) । बागलुङको ढोरपाटनमा अखिल नेपाल जनजाति सम्मेलनको पालिकास्तरीय भेला सम्पन्न भएको छ ।
केन्द्रीय अध्यक्ष निमबहादुर बुढाथोकीको प्रमुख आतिथ्यमा २०८१ भदौ २५ गते मङ्गलबार सो भेला सम्पन्न भएको हो ।
भेलामा जनजाति सम्मेलनका केन्द्रीय सदस्य तमबहादुर घर्ती, राष्ट्रिय जनमोर्चाका केन्द्रीय सदस्य गौरिश्वर पाण्डे, राजमो ढोरपाटनका अध्यक्ष दीपक थापा, रक्तिम सांस्कृतिक अभियानका केन्द्रीय सचिव सहबिन अर्गेजा, जातीय समता समाजका केन्द्रीय सदस्य नरबहादुर सुनार, अखिल नेपाल शिक्षक सङ्घका टीकाबहादुर पुन, अखिल नेपाल युवक सङ्घ बागलुङका सदस्य इन्द्रमान छन्त्याल र अखिल नेपाल महिला सङ्घकी नगर अध्यक्ष धनकुमारी कुँवरको आतिथ्य रहेको थियो ।
कुलबहादुर छन्त्यालको सञ्चालन तथा ओमबहादुर बुढाको अध्यक्षतामा अघि बढेको सो कार्यक्रममा उपस्थित सहभागीलाई नारायण घर्तीले स्वागत गर्नुभएको थियो ।
अध्यक्षमा छन्त्याल
भेलाले कुलबहादुर छन्त्याल अध्यक्ष रहनुभएको जनजाति सम्मेलनको ढोरपाटन पालिका समिति गठन गरेको छ ।
समितिको उपाध्यक्ष निमबहादुर बुढा, सचिवमा नारायण घर्ती र कोषाध्यक्षमा मीना बुढा रहनुभएको छ ।
त्यस्तै समितिको सदस्यमा इन्द्रमान छन्त्याल, सुमन घर्ती, यमुना पुन र चन्द्रलाल छन्त्याल तथा सल्लाहकारमा तमबहादुर घर्ती, ओमबहादुर घर्ती र ओमबहादुर बुढा रहनुभएको छ ।
