चन्द्रा श्रीस, काठमाडौँ ।
गुल्मी कालिगण्डकी गाउँपालिको केन्द्र पुर्तिघाटस्थित जीवनोद्धार माविमा पाँचौँ राष्ट्रपति रनिङ सिल्ड प्रतियोगितकोे उद्घाटन सम्पन्न भएको छ ।
गुल्मी क्षेत्र नं. १ (क) का सांसद चिन्तामणि पाण्डेले २०८० माघ ३ गते बुधबार सो प्रतियोगिताको उद्घाटन गर्नुभएको हो ।
कालिगण्डकी गाउँपालिका आयोजक रहेको उक्त कार्यक्रममा विशिष्ट अतिथि राष्ट्रिय जनमोर्चा लुम्बिनी प्रदेश सांसद तारा थापा, लुम्बिनी प्रदेश खेलकुद विकास समितिका सचिव जयप्रकाश भट्टराई तथा अन्य अतिथिमा गाउँपालिका उपाध्यक्ष मञ्जुकुमारी दर्लामीलगाएत रहनुभएको थियो ।
माघ पाँच गतेसम्म चल्ने उक्त कार्यक्रममा दबुङखानी मावि दबुङखानी, भगवती मावि अर्बेनी, देउराली मावि उपल्लो कोरेङ, जनकल्याण मावि फोक्सिङ, दुर्गा मावि छापचौर, हर्मिचौर मावि हर्मिचौर र देउराली मावि हर्मिचौरको सहभागिता रहेको छ ।
गाउँपालिका अध्यक्ष वेदबहादुर थापाको अध्यक्षता तथा प्रअ प्रेम थापाको स्वागतमा अगाडि बढेको सो कार्यक्रमको सञ्चालन शिक्षक गोविन्द गौतमले गर्नुभएकोे थियो ।
