सप्तरी । सप्तरीमा लकडाउन उल्लंघन गरेको आरोपमा दुई युवामाथि निर्घात कुटपिट गर्ने सशस्त्र प्रहरीका दुई जवान कारबाहीमा परेका छन् । दुईमध्य एक जनालाई निलम्बन गरिएको छ भने अर्का एकलाई सदरमुकाम तानिएको छ ।
भारतबाट औषधि किनेर आइरहेका दुई युवकमाथि बलान बिहुल गाउँपालिकास्थित नेपाल–भारत सीमावर्ती क्षेत्रमा निर्घात कुटपिट गर्नेमध्येका मनोज चौधरीलाई निलम्बन गरिएको सशस्त्र प्रहरीले जनाएको छ । अर्का जवान केशव थापा मगरलाई सदरमुकाम राजविराज तानिएको छ ।
सशस्त्र प्रहरीको कुटपिटबाट बलान बिहुल गाउँपालिका ३ मौवाहाका हरेकृष्ण साह र चन्द्र यादव घाइते भएका थिए । सशस्त्र प्रहरी बल नेपाल बोडर आउट पोष्ट रामनगर कोदरकट्टीबाट खटिएको टोलीले यी दुबैलाई कुटपिट गरेका थिए ।
उनीहरुलाई बगरमा पल्टाएर कुटपिट गरिएको भिडियो भाइरल भएपछि सशस्त्रले कुटपिट गर्ने जवानमाथि कारबाही गरेको हो ।
