खिमराज चालीसे,चन्डिगढ (भारत) ।
दाङबाट बेपत्ता युवतीको खोजी गर्न मूल प्रवाह अखिल भारत नेपाली एकता समाज लागेको छ ।

दाङ जिल्लाको तुल्सीपुर उपमहानगरपालिका वडा नम्बर ६ वनकट्टाबाट हराएकी २० वर्षीया वर्षा भण्डारीको खोजी गर्न मूल प्रवाहले पहल गरेको हो ।

बनकट्टा निवासी विष्णु शर्माकी पत्नी वर्षा घरबाट यही २०८० पुस १४ गते मध्यराति हराएपछि उनको खोजतलासीका लागि उनका दाजु मधु भण्डारीले भारतमा मूल प्रवाहसँग अनुरोध गरेका हुन् ।

इलाका प्रहरी कार्यालय तुल्सीपुरमा हराएको रिपोर्टसमेत दर्ता गराएकी निज वर्षा भेटिएमा नजिकको मूल प्रवाहको कार्यालय अथवा भारतमा राजु भण्डारी, फोन– ९१–८००३३५००८७ तथा नेपालमा नजिकको राष्ट्रिय जनमोर्चामा खबर गर्न अनुरोध गरिएको छ ।