काठमाडौं । स्पोर्टिङ इलाम एफसीलाई हराउँदै वीरगञ्ज युनाइटेड एफसीले नेपाल सुपर लिग (एनएसएल) मा जित दर्ता गरेको छ ।
त्रिपुरेश्वरस्थित दशरथ रंगशालामा बुधबार भएको खेलमा वीरगञ्जले इलामलाई २–१ गोल अन्तरले हराउँदै पाँचौं खेलमा जितको खाता खोलेको हो ।
इलामले लिगमा तेस्रो हार व्यहोरेको छ। पहिलो हाफमा बराबरीमा सकिएको खेलमो दोस्रो हाफको इन्ज्युरी समयमा आएर वरगञ्जले अग्रता दोब्बर पारेको थियो।
इन्ज्युरी समयको पाँचौ मिनेटमा विलियम ओपुकुको पेनाल्टी गोलमा विरगञ्जले अग्रता दोब्बर पार्यो। पेनाल्टी एरियामा इलामका सुजज बस्नेतले ह्याण्ड गरेपछि रेफ्रि कविन व्यञ्जनकारले पेनाल्टी दिएका थिए। जुन अवसरलाई ओपोकुले खेर जान दिएनन्।
पेनाल्टीका लागि विवाद हुँदा इलामका गोलकिपिङ प्रशिक्षक उज्वल मानन्धरले रातो कार्ड पाए।
खेल सकिएपछि पेनाल्टीकै विषयमा विवाद हुँदा खेल मैदान केहीबेर तनावग्रस्त बनेको थियो। जसमा रेफ्रिले इलामका गोलरक्षक सविकेश कुथुलाई रातो कार्ड देखाए।
त्रिपुरेश्वरस्थित दशरथ रगंशालामा भएको खेलको १५ औं मिनेटमा आशिष चापागाइको गोलमा स्पोर्टिङ इलाम एफसीले सुरुआती अग्रता बनाएको थियो। सुरज बस्नेतले दिएको पासलाई सदुपयोग गर्दै आशिषले सेकेण्डबार च्याप्दै बललाई पोष्टको जाली चुमाए।
१७ औं मिनेटमा विरगञ्जका ओबेड ओसुको कर्नर इलामका अमाथ एनडले क्लीयर गरिदिए। १९ औं मिनेटमा इम्राहिम डिजेटको क्रसमा फोडे कामाराको प्रहार आकाशियो।
३३ औं मिनेटमा विशोन गुरुङको गोलमा विरगञ्ज खेलमा फर्किएको थियो। शुसिल लामाले दिएको लामो प्रयासलाई विसोनले इलामका गोलरक्षक विकेश कुथु अघि बढेको मौकामा उनलाई छलाउँदै गोल गरेका थिए।
३९ औं मिनेटमा विरगञ्जका सुसिल लामाको लामो प्रहार विकेशले सहजै बचाए। पहिलो हाफको इन्ज्युरी समयमा भरत खवासको कर्नर गुस्तफोले क्लीयर गरे।
खेलको ५३ औं मिनेटमा डिबक्स एरिया नजिकबाट आशिष चापागाइले हानेको प्रहार विरगञ्जका गोलरक्षक दिप कार्कीले सहजै बचाए।
७१ औं मिनेटमा विरगञ्जका विलियम ओपुकुको प्रहार सेकेण्ड बारबाट बाहिरिदा अग्रता बनाउने मौका गुमायो।
