टेकराज भुसाल,भुमिकास्थान।
अहिले नोभेल कोरोना भाइरस (कोभिड–१९) का कारण विश्वमा हजारौंको संख्यामा मृत्यु भईसकेको अवस्था छ । त्यसको संक्रमण फैलिने क्रम जारी रहेको र नेपाल समेत उच्च जोखिममा रहेको भन्ने विश्व स्वास्थ्य संगठन बाट समेत सचेत गराईएको छ ।
नेपाल सरकारबाट पनि रोकथामको लागि कडाईका साथ विभिन्न निर्णय भई आएकोले सो माहामारीको संक्रमणबाट आफु बचौं अरुलाई पनि बचाऔं भन्ने मुल उदेश्यले अर्घाखाँची जिल्लाको भुमिकास्थान नगरपालिका– १ र २ को संयुक्त प्रयासमा वडाहरुका सम्पूर्ण घरपरिवारका सदस्यहरुलाई निःशुल्क मास्क बितरण गरिएको छ।
वडा नम्बर १ र २ को प्रस्तावमा १ नं. वडाका अध्यक्ष भोजराज खनाल, र २ नं. वडाका अध्यक्ष बुद्धिबहादुर थापा एंव स्थानिय जनप्रतिनिधि, प्रहरी प्रशासन, स्वास्थ्य कार्यलयका कर्मचारी, प्रहरी प्रशासनको विशेष सक्रियतामा आज त्यस क्षेत्रका स्थानियलाई मास्क बितरण सँगसँगै कोरोना भाइरसबाट बच्न आम नागरिकलाई सचेत गराइएको हो ।
वडा नं.१ र २ को कार्यलयले स्थानिय स्तरमै मास्क उत्पादन गर्न सीप युक्त जनशक्तिलाई लगाई मास्क उत्पादन गरि निःशुल्क रुपमा मास्क बितरण गरेको स्थानिय रामप्रसाद खनालले जानकारी दिनुभएको छ।
