शंकरप्रसाद पोख्रेल, बुटवल ।
अखिल नेपाल महिला संघ रुपेन्देहीको अध्यक्षमा इन्दिरा ज्ञवाली चयन हुनु भएको छ । शुक्रबार बुटवलमा सम्पन्न संघको ९ औं जिल्ला सम्मेलनले ज्ञवालीलाई अध्यक्षमा चयन गरेको हो ।

‘सम्पूर्ण शोषित उत्पीडित महिलाहरु एक हौँ, महिला हक अधिकारको लागि संघर्ष गरौं’ भन्ने मूल नाराका साथ राष्ट्रिय जनमोर्चाको प्रदेश कार्यालय चाँदबारीमा सम्मेलन सम्पन्न सम्मेलनले ज्ञवालीको अध्यक्षतमा २५ सदस्यीय रुपन्देही जिल्ला समिति चयन गरेको छ ।

समितिको उपाध्यक्षमा शान्ता पौडेल, सचिव लक्ष्मी कुँवर, कोषाध्यक्ष मिनु थापा, सहसचिव विस्नु खनाल चयन हुनुभएको छ ।

सदस्यहरुमा रेनु सिंह, भूमादेवी खनाल, विष्णु पराजुली, धन कुमारी थापा, उमा थापा, विष्णु थापा, कल्पना सापकोटा, उमा न्यौपाने, कपिला आचार्य र मीरा केसी रहनुभएको छ ।वैकल्पिक सदस्यहरुमा वेदकला भण्डारी, कमला केसी, सुनिता कुमारी कुर्मी, देवी आचार्य, डलुदेवी सापकोटा रहनुभएको छ ।

त्यसैगरी सम्मेलनले पाँच सदस्यीय सल्लाहकार समेत चयन गरेको छ । जसमा भानु जिसि, लक्ष्मी घिमिरे, कल्पना मल्ल, विणुकला हिताङ र गीता बन्जाडे रहनुभएको छ ।

सम्मेलनको उद्घाटन गर्दै संघकी अध्यक्ष मीना पुनले देशको राजनीति जटिल मोडमा पुगेकोले सम्पूर्ण देशवासीहरुले गणतन्त्र जोगाउनको लागि फेरि एकपटक उठ्नुपर्ने बेला भएको बताउनुभयो । अध्यक्ष पुनले देशका ठूला पार्टीहरुले गरेका गलत कामले गर्दा उपलब्धि गुम्ने खतरा रहेको बताउनु भयो ।

उहाँले महिला अधिकारको लागि अखिल नेपाल महिला संघ निरन्तर लडेकै कारण केही उपलब्धि हासिल गरेपनि महिला अधिकारको लागि अझै धेरै उपलब्धि हासिल गर्न संघर्ष गर्नुपर्नेमा जोड दिनुभयो।

कार्यक्रममा राष्ट्रिय जनमोर्चा लुम्बिनी प्रदेश उपाध्यक्ष बद्रे आलाम, अखिल नेपाल बुद्धिजीवी संघका सचिवालय सदस्य दुर्गानाथ खरेल, कम्युनिष्ट संग्रहालयका अध्यक्ष चेतनाथ आचार्य, किसान नेता चन्द्र बहादुर केसी, राजमो लुम्बिनी प्रदेश कोषाध्यक्ष गणेश गौतम, राष्ट्रिय जनमोर्चा केन्द्रीय सदस्य इन्दिरा ज्ञवाली, राष्ट्रिय जनमोर्चा जिल्ला अध्यक्ष टानबहादुर केसी, जनजाति नेता नारायण पुन, गोपाल गौरे, मुक्ति सापकोटा, लालबहादुर क्षेत्री, भीमलाल न्यौपाने लगायत नेताहरुले सम्मेलन सफताको शुभकामना दिनुभएको थियो ।

उद्घाटन सत्रको अध्यक्षता शान्ता पौडेल, स्वागत माया खानाल र सञ्चालन लक्ष्मी कुँवरले गर्नुभएको थियो ।

उद्घाटन कार्यक्रमपछि बन्द सत्रको कार्यक्रम गरिएको थियो । बन्द सत्रले ईन्दिरा ज्ञवाली, लक्ष्मी कुँवर र कल्पना सापकोटा रहेको तीन सदस्यीय अध्यक्ष मण्डल गठन गरिएको थियो । कार्यक्रमा राजनीतिक तथा सांगठनिक प्रदिवेदन लक्ष्मी कुँवर र आर्थिक प्रतिवेदन माया खनालले पेस गर्नुभएको थियो ।

नवनिर्वाचित समितिलाई संघका केन्द्रीय अध्यक्ष मीना पुन र राष्ट्रिय जनमोर्चा जिल्ला अध्यक्ष टानबहादुर केसीले शुभकामना दिनुभएको थियो ।