तमघासबजार । नेपाली काङ्ग्रेसका क्रियाशील सदस्य वीरेन्द्र अर्याल राष्ट्रिय जनमोर्चामा प्रवेश गर्नुभएको छ ।
गुल्मी जिल्ला कालीगण्डकी गाउँपालिका वडा नम्बर १ हर्मिचौर निवासी अर्यालले यही २०८० साउन २४ गते राजमो केन्द्रीय सदस्य तथा गुल्मी जिल्ला अध्यक्ष रामकुमार क्षेत्रीसित सदस्यता लिँदै राजमोमा प्रवेश गर्नुभएको हो ।
त्यसभन्दा अगाडि उहाँले एउटा राजीनामा सार्वजनिक गर्नुभएको थियो ।
केही समयअघि तत्कालीन अखिल भारत नेपाली एकता समाज (हालको मूल प्रवाह) मा रहनुभएका अर्यालले राजीनामापत्रमा आफू भ्रमवश नेपाली काङ्ग्रेसमा प्रवेश गरेको र सो पार्टीको क्रियाशील सदस्यको रूपमा हालसम्म काम गरेको बताउनुभएको छ ।
“त्यस सङ्गठन नेपाली काङ्ग्रेसमा बस्दाको अनुभव यो भयो कि” उहाँले राजीनामामा भन्नुभएको छ– “यो पार्टी सङ्ख्याको रूपमा ठुलो भएता पनि वास्तवमा राष्ट्र र राष्ट्रियताको पक्षमा भने कत्ति पनि नरहेको अनुभव मलाई भयो ।”
उहाँले त्यसको तुलनामा राष्ट्रिय जनमोर्चा नै देश र जनताको पक्षमा एक्लै भए पनि निरन्तर लागिरहने गौरवशाली पार्टी भएको पनि प्रष्ट्याउनुभयो ।
देशका ठुला पार्टीहरूले सङ्घीयता, एमसिसी, नागरिकता विधेयक जस्ता राष्ट्रघाती सम्झौता गरेको उल्लेख गर्दै उहाँले यिनै पार्टीको कारणले देश थला परेको वा आर्थिक रूपमा टाट पल्टिएको बताउनुभयो ।
निष्कर्षको रूपमा उहाँले भन्नुभएको छ– “यस्तो अवस्थामा मलाई यो पार्टीमा बसेर देश र जनताको बर्बादीको कलङ्क बोक्नुभन्दा समयमै आफ्नो पुरानो घर, राष्ट्रको पक्षमा एकल बृहस्पतिको रूपमा उभिएको पार्टी राष्ट्रिय जनमोर्चामा आजको मितिदेखि प्रवेश गरेको जानकारी गराउएँदै आजैको मितिबाट नेपाली काङ्ग्रेस परित्याग गरेको जानकारी यसै पत्रमार्फत जानकारी गराउँछु ।”
यस्तो छ, उहाँको राजीनामापत्र :
