तिलक थपा, बागलुङ ।
राष्ट्रिय जनमोर्चाले सञ्चालन गरिरहेको एक महिने सांगठनिक अभियान अन्तर्गत एकै दिनमा केयौं स्थानीय तहमा कार्यक्रमहरु हुने गरेका छन् । १० वटा टोली निर्माण गरेर अभियान सञ्चालन गरेको राजमो बागलुङले सोमबार मात्रै पनि कैयौं स्थानमा सदस्यता वितरण, प्रशिक्षण तथा संगठन निर्माण गरिएको छ ।
संगठनात्मक अभियानको कार्यक्रम सोमबार पदमफुल, बाच्छीखर्क, जैदी, घोसा, लेवाङ र झिवाखोलामा सम्पन्न गरेको छ । जस अन्तरगत टोली नं. १ ले बरेङ गाउँपालिका वडा नं. ३ बाताकाचौरको पदमफुलमा प्रशिक्षण भेला तथा सदस्यता बितरण सम्पन्न गरेको छ ।
कार्यक्रममा राष्ट्रिय जनमोर्चा बागलुङका उपाध्यक्ष धर्म बहादुर कुँवरले अहिले देशको राष्ट्रियता कमजोर भएको बेला राष्ट्रियता, जनतन्त्र र जनजिविकाको पक्षमा निरन्तर अगाडि बढेको पार्टी राष्ट्रिय जनमोर्चाको अभियानलाई सशक्त पार्न अनुरोध गर्नु भयो । कार्यक्रममा राजमो जिल्ला सल्लाहकार टिकाराम शर्मा, मूल प्रवाह अखिल भारत नेपाली एकता समाजका केन्द्रीय सदस्य अमित केसी, वडा सदस्य बिष्णु पुन लगायतले मन्तव्य राख्नु भएको थियो ।
आजै बाटाकाचौरको बाच्छीखर्कमा टोल प्रशिक्षण भेला तथा सदस्यता बितरण गरिएको छ । कार्यक्रममा राष्ट्रिय जनमोर्चा बागलुङका सचिवालय सदस्य तथा बरेङ गाँउपालिका अध्यक्ष कृष्ण पौडेल, अखिल नेपाल महिला संघ बागलुङका अध्यक्ष तथा बरेङ गाउँपालिका उपाध्यक्ष दिल कुमारी पुन, राष्ट्रिय जनमोर्चा बरेङ गाउँ समितिका अध्यक्ष हिरा बहादुर थापा, पालिका सदस्य शेर बहादुर पुन, वडा समिति अध्यक्ष पृथ्वी पुन लगायतले मन्तव्य राख्नु भएको थियो ।
यता, टोली नं. २ ले जैमिनी नगरपालिका वडा नं. ७ जैदीमा घरदैलो गर्दै पर्चा तथा सदस्यता बितरण गरेको छ । अखिल नेपाल जनजाति सम्मेलनका केन्द्रीय उपाध्यक्ष केवि थापा, पूर्व केन्द्रीय सल्लाहकार नर बहादुर पुन, राष्ट्रिय जनमोर्चा बागलुङका कोषाध्यक्ष दिल बहादुर दर्जी, जिल्ला सदस्य लिलादेवि शर्मा, अखिल नेपाल जनजाति सम्मेलन बागलुङका अध्यक्ष लाल बहादुर पुन, राष्ट्रिय जनमोर्चा जैमिनीका सदस्य होम बहादुर पुन, लगायतका टोलीले अभियान अगाडि बढाएको छ ।
यसैगरी, टोली नं. ८ ले ढोरपाटन नगरपालिका वडा नं. ३ को घोसामा पर्चा तथा सदस्यता बितरण सम्पन्न गरेको छ । अभियानमा वडा समितिका अध्यक्ष हिरा बहादुर खत्री, टेकलाल पाण्डे लगायतको टोली रहेको छ । टोली नं. ९ ले निसीखोला गाउँपालिका वडा नं. १ लेवाङमा वडा स्तरीय प्रशिक्षण भेला सम्पन्न गरेको छ ।
कार्यक्रममा राष्ट्रिय जनमोर्चा निसीखोला गाउँ समितिका उपाध्यक्ष थमन घर्ती, वडा समितिका अध्यक्ष मान बहादुर पुन लगायतले मन्तव्य राख्नु भएको थियो ।
यसैगरि आजै वडा नं ३ को झिवाखोलामा वडा स्तरीय प्रशिक्षण भेला सम्पन्न गरेको छ । कार्यक्रममा राष्ट्रिय जनमोर्चा निसीखोला गाउँ समितिका सल्लाहकार प्रगती बुढा, पालिका सचिव मिलन हमाल, वडा समितिका अध्यक्ष शेर बहादुर शाही, हिरा बहादुर शाही लगायतले मन्तव्य राख्नु भएको थियो । यस वडामा ३ टोली बनाएर सदस्यता बितरण गरिएको छ ।
यो पनि पढ्नुहोस्ः
बागलुङमा १० ओटै टोलीको अभियान जारी
जेलबाट छुट्दा फूलमाला लगाउने प्रवृतिले भ्रष्टाचारीको मनोवल बढ्योः ढुंगाना
बागलुङमा यसरी चल्दैछ संगठनात्मक अभियान
जनताको चेतनामा परिवर्तन नभएसम्म जीवनस्तर सुधार हुँदैनः सांसद शाही
‘जनतालाई करको भारी, ढुकुटीमा भ्रष्टाचारीको बिगबिगी’
बागलुङमा सदस्यता वितरणसँगै संगठन निर्माण र प्रशिक्षण तिब्र
