तिलक थापा, बागलुङ ।
राष्ट्रिय जनमोर्चाका केन्द्रीय सदस्य एवं बागलुङ जिल्ला समन्वय समितिका अध्यक्ष राजेन्द्र ढुंगानाले भ्रष्टाचारीलाई जेलबाट छुट्दा राजनीतिक दलहरुले फूलमालाले स्वागत गर्ने प्रवृतिका कारण उनीहरुको मनोबल बढेको बताउनुभएको छ ।
राजमोले सञ्चालन गरिरहेको विशेष संगठनात्मक अभियान अन्तर्गत बागलुङको टोली नं ४ ले काठेखोला गाउँपालिका–३ धम्जामाआयोजना गरेको वडा स्तरीय प्रशिक्षण भेला कार्यक्रमलाई सम्बोधन गर्दै राजमो केन्द्रीय सदस्य ढुंगानाले सत्तासिन दलहरुको गलत नीति तथा सम्झौतापरस्त प्रवृतिका कारण भ्रष्टाचार झन् बढ्दै गइरहेको बताउनुभयो ।
संघीयताका कारण मुलुक असफल राष्ट्र बन्दै गएको ढुंगानाले बताउनुभयो । संविधान संशोधनको प्रसंगमा बोल्दै उहाँले कुनै एक व्यक्तिलाई सत्तामा लैजानका लागि संविधान संशोधन गर्न सक्ने सरकारले राष्ट्रघाती सन्धी सम्झौतालाई संशोधन गर्ने हिम्मत किन गर्न सकेन? भनि प्रश्न पनि गर्नुभयो । सरकार विदेशी शक्ति केन्द्रको ईसारामा चलेको ठोकुवा गर्दै राष्ट्रियता र जनजिविकाको पक्षमा राष्ट्रिय जनमोर्चाले सञ्चालन गरेको अभियानलाई सफल पार्न ढुंगानाले आह्वान गर्नु भयो ।
१० टोलीद्वारन जिल्लाव्यापी अभियान जारी
राष्ट्रिय जनमोर्चा बागलुङले १० टोली निर्माण गरेर फागुन महिना भरि सञ्चालन गरेको बिशेष संगठनात्मक अभियान जिल्लाव्यापी जारी छ । सोही क्रममा धम्जा, हुग्दीसिर, अर्जेवा, हरिचौर, दर्लिङ, घोसा र खाडुमा कार्यक्रम गरेको छ ।
टोली नं ४ ले धम्जामा आयोजना गरेको कार्यक्रममा प्रमुख अतिथिका रुपमा अध्यक्ष ढुंगानाले प्रशिक्षणात्मक मन्तव्य राख्नुभएको हो ।
यस्तै, अखिल नेपाल युवक संघका पूर्व केन्द्रीय अध्यक्ष तथा राष्ट्रिय जनमोर्चाका राष्ट्रिय परिषद सदस्य तिलक थापा, राष्ट्रिय जनमोर्चा बागलुङका सल्लाहकार तथा काठेखोला गाउँपालिकाका उपाध्यक्ष अर्जुन खत्री, राष्ट्रिय जनमोर्चा बागलुङका सचिवालय सदस्य तथा काठेखोला गाउँ समितिका अध्यक्ष लक्ष्मण पुन लगायतले कार्यक्रममा मन्तव्य राख्नु भएको थियो । कार्यक्रममा धम्जा ५ का पूर्व वडा अध्यक्ष उजिर बहादुर छन्त्याल, वडा समितिका सदस्य लाल बहादुर थापा, वडा समिति उपाध्यक्ष कर्ण बहादुर खत्री लगायतका आतित्थ्यता रहेको थियो ।
कार्यक्रम राष्ट्रिय जनमोर्चा काठेखोला गाउँ समितिका उपाध्यक्ष तथा काठेखोला वडा नं ३ का सदस्य पुर्ण बहादुर थापाको अध्यक्षता, अखिल छैठौं बागलुङका सदस्य निर्मल कुमार बि।क।को सञ्चालन र वडा समितिका सदस्य याम बहादुर थापाको स्वागत मन्तव्यमा सम्पन्न भएको थियो । वडामा ३ टोली बनाएर सदस्यता बितरण गरेको छ ।
टोली नं. १ ले बरेङ गाउँपालिका वडा नं. २ हुग्दिशिरमा प्रशिक्षण भेला तथा सदस्यता बितरण सम्पन्न गरेको छ । कार्यक्रममा प्रमुख अतिथि राष्ट्रिय जनमोर्चा बागलुङका उपाध्यक्ष धर्म बहादुर कुँवर, राष्ट्रिय जनमोर्चा बरेङ गाउँ समितिका अध्यक्ष हिरा बहादुर थापा, मुल प्रवाह अखिल भारत नेपाली एकता समाजका अमृत केसी, जातीय समता समाजका अम्मर बहादुर नेपाली लगायतले मन्तव्य राख्नु भएको थियो ।
टोली नं. २ ले जैमिनी नगरपालिका वडा नं. ६ अर्जेवामा घरदैलो गर्दै पर्चा तथा सदस्यता बितरण गरेको छ । अखिल नेपाल जनजाति सम्मेलनका केन्द्रीय उपाध्यक्ष केबि थापा, राष्ट्रिय जनमोर्चा बागलुङका कोषाध्यक्ष दिल बहादुर दर्जी, अखिल नेपाल जनजाति सम्मेलन बागलुङका अध्यक्ष लाल बहादुर पुन, राष्ट्रिय जनमोर्चा जैमिनीका सदस्य होम बहादुर पुन, लगायतका टोलीले अभियान अगाडि बढाएको छ ।
टोली नं ५ ले गलकोट नगरपालिका वडा नं ५ को हरिचौरमा प्रशिक्षण भेला पर्चा तथा सदस्यता बितरण गरेको छ । कार्यक्रममा प्रमुख अतिथि राष्ट्रिय जनमोर्चा बागलुङका अध्यक्ष अमर थापा, राष्ट्रिय जनमोर्चा बागलुङका सल्लाहकार बेदीलाल सापकोटा, राष्ट्रिय जनमोर्चा बागलुङका सल्लाहकार टंक केसी, जिल्ला सदस्य पदम श्रेष्ठ, अखिल नेपाल शिक्षक संघ बागलुङका अध्यक्ष मित्र ढकाल, वडा समितिका सल्लाहकार दिल बहादुर बस्नेत लगायतले मन्तव्य राख्नु भएको थियो ।
कार्यक्रम वडा समितिका अध्यक्ष अमर बहादुर खत्रीको अध्यक्षता, वडा सचिव तम बहादुर कार्कीको सञ्चालन र अखिल नेपाल शिक्षक संघका सुनमाया ढकालको स्वागत मन्तव्यमा सम्पन्न भएको थियो । वडा नं ५ मा ५ टोली बनाएर सदस्यता बितरण अभियान सञ्चालन गरेको छ ।
टोली नं ७ ले बडिगाड गाउँपालिका वडा नं. १० को निगलपानीमा प्रशिक्षण भेला तथा सदस्यता बितरण गरेको छ। कार्यक्रममा राष्ट्रिय जनमोर्चा बागलुङका सदस्य तथा बडिगाड वडा नं १ का अध्यक्ष बोम बहादुर थापा, अखिल नेपाल युवक संघका केन्द्रीय कोषाध्यक्ष भिमसेन वन, राष्ट्रिय जनमोर्चा बडिगाडका सदस्य मेयर सिं छन्त्याल, राष्ट्रिय जनमोर्चा बडिगाड १०का सदस्य धन बहादुर पुन, राष्ट्रिय जनमोर्चा बडिगाड १०का सदस्य दुजमान थापा लगायतले मन्तव्य राख्नु भएको थियो ।
वडा समितिका अध्यक्ष रेशु थापाको अध्यक्षता, अखिल नेपाल महिला संघ बागलुङका सदस्य कोपिला थापाको सञ्चालन र राष्ट्रिय जनमोर्चा बडिगाडका सचिव ईश्वरमान बिकको स्वागत मन्तव्यमा सम्पन्न भएको थियो ।
साथै टोली नं. ८ ले ढोरपाटन नगरपालिका वडा नं। ३ को घोसामा प्रशिक्षण भेला तथा सदस्यता बितरण सम्पन्न गरेको छ । कार्यक्रममा राष्ट्रिय जनमोर्चा बागलुङका सल्लाहकार गौरीश्वर पाण्डे, अखिल नेपाल बुद्धिजीवी संघका केन्द्रीय सदस्य दुर्गानाथ खरेल लगायतले मन्तव्य राख्नु भएको थियो ।
कार्यक्रम वडा समितिका अध्यक्ष हिरा बहादुर खत्रीको अध्यक्षता, जातिय समता समाज बागलुङका अध्यक्ष नर बहादुर सुनारको सञ्चालन र राष्ट्रिय जनमोर्चा वडा समितिका सदस्य खिम बहादुर सुनारको स्वागत मन्तव्यमा सम्पन्न भएको थियो ।
टोली नं. ९ ले निसीखोला गाउँपालिका वडा नं. २ खाडुमा वडा स्तरीय प्रशिक्षण भेला सम्पन्न गरेको छ । कार्यक्रममा राष्ट्रिय जनमोर्चा निसीखोला गाउँ समितिका सल्लाहकार प्रगती बुढा, उपाध्यक्ष थमन घर्ती, पालिका सचिव मिलन हमाल लगायतले मन्तव्य राख्नु भएको थियो । वडामा ३ टोलीले सदस्यता बितरण गरेको छ ।
यो पनि पढ्नुहोस्ः
बागलुङमा यसरी चल्दैछ संगठनात्मक अभियान
जनताको चेतनामा परिवर्तन नभएसम्म जीवनस्तर सुधार हुँदैनः सांसद शाही
‘जनतालाई करको भारी, ढुकुटीमा भ्रष्टाचारीको बिगबिगी’
बागलुङमा सदस्यता वितरणसँगै संगठन निर्माण र प्रशिक्षण तिब्र
