काठमाडौँ । अमेरिकाका दक्षिण तथा मध्यएसिया हेर्ने सहायक विदेशमन्त्री डोनाल्ड लू एक दिने नेपाल भ्रमणका क्रममा असार २९ गते शुक्रबार काठमाडौँ आइपुग्नुभएको छ ।

उहाँले आजै प्रधानमन्त्री पुष्पकमल दाहाल प्रचण्ड र परराष्ट्रमन्त्री एनपी साउदसँग छुट्टाछुट्टै शिष्टाचार भेटवार्ता गर्नुहुने कार्यक्रम छ ।

भ्रमणका क्रममा उहाँले दूतावासका कर्मचारीलाई पनि भेट गर्नुहुने अमेरिकी दूतावासले जनाएको छ ।

उहाँले अमेरिकन चेम्बर अफ कमर्सको एक सदस्य संस्थासँग भेटघाट गर्नुहुने छ ।

साथै उहाँले नेपालीलाई विश्वव्यापी रूपमा प्रतिस्पर्धा गर्न सक्षम बनाउने दिशामा अनुपम सिप प्रदान गर्न उहाँहरूले गरेका प्रयासका बारेमा पनि बुझ्नुहुने छ ।

मन्त्री लूले गत वर्ष पनि नेपालको भ्रमण गर्नुभएको थियो ।