शंकर प्रसाद पोखरेल, गुल्मी ।
राष्ट्रिय जनमोर्चा गुल्मीको संगठन निर्माण अभियान निरन्तर जारी छ । फागुन महिनाभरी सञ्चालन हुने संगठनात्मक अभियान अन्तर्गत जिल्लाव्यापीरुपमा सदस्यता वितरणसँगै जनभेटघाट र संगठन निर्माणको काम निरनतर चलिरहेको छ ।
यसै क्रममा कालीगण्डकी गाउँपालिका–५ फोक्सिङ उपल्लो गाउँमा युवराज सापकोटाको अध्यक्षतामा १५ सदस्यीय समिति निर्माण भएको छ । राष्ट्रिय जनमोर्चाका केन्द्रीय सदस्य तथा कालीगण्डकी गाउँपाकिकाकी उपाध्यक्ष तारा थापाको उपस्थितिमा सम्पन्न भेलाले सो समिति निर्माण गरेको हो ।
समितिको उपाध्यक्षमा पार्वती सापकोटा, सचिव निर्मला पराजुली, सहसचिव लक्ष्मी सापकोटा र कोषाध्यक्षमा महादेव सापकोटा चयन हुनुभएको छ ।
सदस्यहरु पुरुषोत्तम सापकोटा, नरिश्वर पराजुली, गोपाल सापकोटा, पार्वती सापकोटा, गंगादेवी सापकोटा, भद्रकला सापकोटा, भिमकला सापकोटा, सृजना सापकोटा, भुमादेबी सापकोटा रहनुभएको छ ।
भेलालाई सम्बोधन गर्दै गाउँपालिका उपाध्यक्ष तारा थापाले देश र जनताको पक्षमा काम गर्ने पार्टी राष्ट्रिय जनमोर्चा मात्रै भएको ठोकुवा गर्दै राजमोमा सामिल हुन आम जनतालाई आह्वान गर्नुभभयो ।
यस्तै, मूलप्रवाहका केन्द्रीय सदस्य राम कुमर क्षेत्रीले असली गरिब दुखी मजदुरको पार्टी राष्ट्रिय जनमोर्चा मात्रै भएको जिकिर गर्दै जनताले कुन पार्टी सही र कुन पार्टी गलत भनेर छुट्टाउनु पर्ने बेला आएको बताउनु भयो । कार्यक्रममा गंगा सापकोटाको उपस्तिथिरहेको थियो ।
त्यस्तै, रेसुङ्गा नगरपालिका ११ मा राष्ट्रिय जनमोर्चाको प्रशिक्षण सम्पन्न भएको छ । उपस्थित नेता कार्यकर्तालाई राजमो जिल्ला अध्यक्ष जीवन राना, जिल्ला नेता हरि न्यौपाने , युवा नेता तरा कुवँरले विभिन्न विषयमा प्रशिक्षण दिनुभएको थियो ।
त्यस्तै, गुल्मीकै इस्मा गाउँपाकिकामा राजमो जिल्ला उपाध्यक्ष रामेश्वर खत्रीको नेतृत्वमा सदस्यता अभियान अगाडि बढेको छ भने छत्रकोट गाउँपालिकामा गुमान सिङ पुन, श्यामलाल पन्त, रुरु गाउँपालिकामा टेक बहादुर केसी, सत्यबती गाउँपालिकामा ओम बहादुर कुवँर, मुसिकोट नगरपालिका र शान्तिपुर बजारमा राजमो जिल्ला सचिव छबिलाल सर्तुङ्गीको नेतृत्वमा सदस्यता वितरण अभियान अगाडि बढेको छ । यसैगरी, धुर्कोट, मदाने र मालिका गाउँपालिकामा पनि अभियान जारी छ ।
सम्बन्धित समाचारः
गुल्मीमा यसरी फैलँदैछ राष्ट्रिय जनमोर्चा
गुल्मीमा राजमोको अभियानः सहरदेखी गाउँसम्म संगठन निर्माण
