गुल्मी । राष्ट्रिय जनमोर्चाले सञ्चालन गरेको एक महिने संगठनात्मक अभियान गुल्मी जिल्लामा तिब्र रुपमा अगाडि बढेको छ । जिल्लाव्यापी रुपमा सदस्यता वितरण तथा संगठन निर्माणलाई तिब्रता दिइएको राजमो गुल्मीले जनाएको छ । यसै क्रममा कालीगण्डकी गाँउपालिका वडा नं ७ साजनकोटमा राजमोको वडा समिति गठन भएको छ । समितिको अध्यक्षमा मोतिलाल गिरी, उपाध्यक्ष सवित्रा गिरी, सचिव कमला गिरी, सहसचिव डिला गिरी र कोषाध्यक्षमा रतन गिर चयन हुनुभएको छ ।

सदस्यहरुमा हरिकला गिरी, चन्द्रकला गिरी, लक्ष्मी गिरी, चेतमान गिरी, पदम पुरी, पुरन गिरी र भवर गिरी रहनुभएको छ ।
कार्यक्रममा राजमोका केन्द्रीय सदस्य तथा कालीगण्डकी गाँउलिकाका उपाध्यक्ष तारा थापाले देशलाई भ्रष्टाचार मुक्त पार्न सवै नेपाली जनताहरुलाई राष्ट्रिय जनमोर्चाको झणडा समाउन आग्रह गर्नुभयो ।

त्यस्तै मूल प्रवाह अखिल भारत नेपाली एकता समाजका केन्द्रीय सदस्य राम कुमार क्षेत्रीले देश जोगाउन राष्ट्रबादी र क्रान्तिकारी पार्टी राष्ट्रिय जनमोर्चामा बिना सर्त समाहित हुन जनसमुदायलाई आव्हान गर्नुभएको थियो। भेलामा पुर्ण बहादुर थापाको समेत उपस्थिती रहेको थियो ।

त्यस्तै, मालिका गाउँपालिकाको सिमलटारिमा पनि भेला सम्पन्न भएको छ । राजमोका जिल्ला अध्यक्ष जिवन रानाको प्रमुख आतिथ्यता र डम्बर जिसीको विशेष पहलमा भेला सम्पन्न भएको हो । भेलाले ५ सदस्यीय समिति गठन गरेको छ । समितिको अध्यक्षमा दुर्गा बहादुर केसी, उपाध्यक्ष चुमान बहादुर जिसी, सचिव नारायण परियार रहनुभएको छ भने सदस्यहरु सीता जिसी र कमला जिसी रहनुभएको छ । अभियानमा शंकर प्रसाद पोख्रेल, प्रेम अर्याल र नित्यानन्द अर्यालको पनि उपस्थिति रहेको थियो ।अभियानको टोलीले सिमलटारी बजारमा पर्चा र अपिल बितरण गरेको थियो ।

यसैगरी, पुरकोट दहमा राजमोका जिल्ला सचिव छबिलाल सर्तुङ्गी, सुर्य थापा, हरि न्यौपाने र पृथ्वी कुँवरको पहल र उपस्थितिमा भेला आयोजक समिति गठन भएको छ । जस्को संयोजकमा खिम बहादुर कुँवर रहनुभएको छ । सदस्यहरुमा बिस्नु बहादुर कुवँर, डोर प्रसाद पौडेल, धन बहादुर कुँवर र धना कुँवर रहनुभएको छ । यो समितिले फागुन महिनामा बृहत भेला गरि नयाँ समिति निर्माण गर्ने संयोजक खिम बहादुर कुँवरले बताउनुभयो ।

अखिल (छैठौं) को संगठन विस्तार
अभियानकै क्रममा अग्लुङ माविमा अखिल (छैठौं)को इकाइ समिति गठन भएको छ । जस्को अध्यक्षमा गौरव परियार, उपाध्यक्ष अञ्जना कुँवर,  सचिव राजकुमार परियार र कोषाध्यक्षमा बिपना चन्द चयन हुनुभएको छ ।  सदस्यहरु विशाल खडका, शम्भु हमाल, लक्ष्मण बिष्ट, कविता चन्द, मधु राउत र अस्मिता बिक रहनुभएको छ।

देशको समसामयिक राजनीति परिस्थिति बारे विद्यार्थीहरुलाइ हरि न्यौपाने र शंकर प्रसाद पोख्रेलले प्रशिक्षण दिनुभएको थियो ।

यो पनि पढ्नु होस्ः

गुल्मीमा राजमोको अभियानः सहरदेखी गाउँसम्म संगठन निर्माण