खलङ्गा । अखिल (छैठौं) प्युठान जिल्लाको उन्निसौँ सम्मेलनपछिको प्रथम भेला बिजुवारमा सम्पन्न भएको छ ।
महासचिव सुवास जिसीको प्रमुख आतिथ्य तथा राजमो नेता वासुदेव पोख्रेलको विशिष्ट आतिथ्यमा २०८० वैशाख ९ गते सम्पन्न उक्त भेला सम्पन्न भएको हो ।
भेलाले केशव बुढाथोकीको अध्यक्षतामा १३ पूर्ण चार वैकल्पिक र दुई सल्लाहकार गरी १९ सदस्यीय समिति निर्माण गरेको छ ।
समितिको उपाध्यक्षमा दीपा गिरी, सचिवमा लक्ष्मण पुन, सहसचिवमा रबिन एमसी र कोषाध्यक्षमा रजत जिसी चयन हुनुभएको छ ।
त्यसैगरी, समितिको सदस्यहरूमा मनिसा केसी, अनिता पुन, माधव विक, निता वुढाथोकी, सविता परियार, रविना विक, सचिन कँुवर र वसन्त गोराथोकी रहनु भएको छ ।
त्यस्तै, वैकल्पिक सदस्यहरूमा पवन खड्का, समीक्षा थापा, कविता पुनमगर र मनिषा वबढाथोकी चयन हुनुभएको छ ।
भेलाले नवीन केसी र चोपबहादुर विकलाई सल्लाहकारमा चयन गरेको छ ।
भेलामा राजमो प्युठानका सचिव विदुर मल्ल, अखिल नेपाल किसान महासङ्घ (अप्फा) प्युठानका पूर्व अध्यक्ष मीनबहादुर केसी, अखिल (छैठौं) का सचिवालय सदस्य चोपबहादुर विक र विवेक जिसी, अखिल नेपाल युवक सङ्घका जिल्ला अध्यक्ष कमल पौडेल, मूल प्रवाह अखिल भारत नेपाली एकता समाजका पूर्व केन्द्रीय सदस्य खिमबहादुर विक, अखिल नेपाल महिला सङ्घकी जिल्ला उपाध्यक्ष हुमा पोख्रेल, गौमुखी क्याम्पसका स्ववियु सभापति रजत जिसी, जातीय समता समाजको जिल्ला सदस्य सुकमेली परियार, रक्तिम सांस्कृतिक अभियानका जिल्ला सचिव जगत् विकलगायतले शुभकामना दिनुभएको थियो ।
भेलाको उद्घाटन महासचिव सुवास जिसीले मैनबत्ती बालेर गर्नुभएको थियो भने स्वागत लक्ष्मण पुनले गर्नुभएको थियो । उद्घाटन सत्रको अध्यक्षता नवीन केसी र सञ्चालन केशव बुढाथोकीले गर्नुभएको थियो ।
चोपबहादुर विक, विवेक जिसी र दीपा गिरी सदस्य रहेको अध्यक्षमण्डलले बन्दशत्रको सञ्चालन गरी निर्वाचन प्रक्रिया अघि बढाएको थियो ।
नवनिर्वाचित समितिलाई महासचिव जिसीले सपथ ग्रहण गराउनुभएको थियो भने अध्यक्ष बुढाथोकीले प्रतिबद्धतासहित आगामी कार्यक्रम पेस गर्नुभएको थियो ।
भेलाको अवसरमा अखिल (छैठौं) को तर्फवाट स्ववियुमा निर्वाचित पदाधिकारीलाई सम्मानसमेत गरिएको थियो ।
