दिनेश रैदास, दाङ ।
राष्ट्रिय जनमोर्चा राप्ती गाउँ समितिले संघीयता खारेजीको माग गर्दै विभिन्न ठाउँमा विरोध सभा गरेको छ । बिहीबार सिसहनिया, मौरिघाट र लालमटियामा कोण सभा गरी संघीयता खारेजीको माग गरेको हो ।
सिसहनियामा भएको कोण सभालाई अखिल नेपाल बुद्विजीवि संघका केन्द्रीय सदस्य केशवराज खनाल र राजमो राप्तीका सल्लाहकार शमशेर बहादुर केसीले सम्बोधन गर्नु भएको थियो । कार्यक्रमको सञ्चालन राजमो राप्तीका उपाध्यक्ष गिरबहादुर पौडेलले गर्नु भएको थियो ।
त्यसैगरी मौरिघाट पेट्रोल पम्पमा गरिएको कोणसभालाई राजमो राप्ती गाउँ समितिका अध्यक्ष ठाकुर प्रसाद आचार्य, उपाध्यक्ष गिरबहादुर पौडेल सम्बोधन गर्नु भएको थियो भने सञ्चालन राजमो राप्तीका सचिव दलबहादुर घर्तिले गर्नु भएको थियो।
त्यस्तै, लालमटिया चोकमा भएको कोण सभालाई अखिल नेपाल महिला संघकी केन्द्रीय सदस्य पूर्णिमा आचार्य र राजमो राप्तीका उपाध्यक्ष गिरबहादुर पौडेलले सम्बोधन गर्नु भएको थियो । सञ्चालन दलबहादुर घर्तिले गर्नु भयो।
