वसन्त खड्का, अर्घाखाँची ।
राष्ट्रिय जनमोर्चा अर्घाखाँचीले संघीयता खारेजीको माग गर्दै विरोध प्रदर्शन गरेको छ ।
आइतबार चुत्राबेसीमा संघीयता खारेजीसहित मंहगी र भ्रष्टाचार विरुद्वमा राजमोले प्रदर्शन गरेको हो ।
विभिन्न नारासहित जुलुस चुत्राबेसीको भक्ति टोला चौकमा पुगेर कोणसभा परिणत भएको थियो ।
कार्यक्रमलाई सम्बोधन गर्दै राजमो जिल्ला अध्यक्ष थम्मन केसीले संघीयताले जनताको ढाड सेकेको भन्दै खारेजीको विकल्प नरहेको बताउनुभयो ।
उहाँले राष्ट्रिय जनमोर्चाले सुरु गरेको चरणबद्व आन्दोलनमा सहभागी हुन पनि सम्पूर्ण देशभक्त जनतालाई आह्वान गर्नुभयो । कार्यक्रमको सञ्चालन कमल घिमिरेले गर्नुभएको थियो ।
हालै सम्पन्न राष्ट्रिय जनमोर्चाको राष्ट्रिय परिषद बैठकले यहि चैत १० देखि १५ गतेसम्म संघीयताको विरोधमा देशव्यापी कार्यक्रम गर्ने निर्णय गरेको थियो । सोही निर्णयबमोजिम अर्घार्खाचीमा प्रदर्शन गरिएको हो ।
