खिमराज चालिसे, चंडिगढ ।
भारतको पंचकुलामा शंकास्पद अवस्थामा मृत फेला परेकी नेपाली युवती चम्पा गन्धर्वको अन्तिम संस्कार गरिएको छ । बुधबार मूल प्रवाह अखिल भारत नेपाली एकता समाजसहित १० प्रवासी संगठनले अन्तिम संस्कार गरेका हुन् ।
उनको अन्तिम संस्कारका क्रममा प्रवासमा रहेका विभिन्न संघ संस्थाहरु, नेपाली समुदाय र आफन्तको बाक्लो उपस्थिति थियो ।
भारतको पंचकुलामा गत १६ मार्च बिहीवार २२ वर्षीया चम्पा शंकास्पद अवस्थामा मृत भेटिएकी थिइन् ।
चम्पाको शंकास्पद मृत्युपछि सामान्य एफआईआर सम्म दर्ज गर्न आनाकानी गरेको प्रशासनले दश संघसस्थाको संयुक्त आन्दोलन र मूल प्रवाहका केन्द्रीय समितिले नेपाली दूतावासको ध्यानाकर्षण गराएसँगै १८ मार्चमा एफआईआर दर्ज गरेको थियो भने २१ मार्चमा उनको पोष्टमार्टम भएको थियो।
अन्तिम संस्कारपछि मृतक चम्पाप्रति दुई मिनट मौन धारण गर्दै श्रद्धाञ्जली अर्पित गरिएको थियो ।
संघर्ष समितिका सदस्य खिमराज चालिसेको सञ्चालनमा सम्पन्न भएको श्रद्धाञ्जली सभा कार्यक्रममा सचिव खेमनाथ शर्माले चम्पाको शंकास्पद मृत्यु र न्यायका लागि गरिएको संघर्षबारे बताउनु भएको थियो । यस्तै, संयोजक प्रेम आचार्यले मृतकले न्याय नपाएसम्म आन्दोलन जारी रहने बताउनुभयो ।
श्रद्धाञ्जली सभामा परिवारलाई सहयोगार्थ नेरु १७ हजार ६४ रुपैयाँ संंकलन गरि चम्पाकी आमा अमृता गन्धर्वलाई हस्तान्तरण गरिएको थियो ।
चम्पा गन्धर्वको ‘हत्या’बारे छानबिन गर्न दूतावासलाई मूल प्रवाहको ध्यानाकर्षण
युवती मृत्यु प्रकरण : नेपालीको दबाबपछि ‘एफआईआर’ दर्ज (भिडिओ)
भारतको पंचकुलामा नेपाली युवतीको रहस्यमय मृत्यु
