वापी । मूल प्रवाह अखिल भारत नेपाली एकता समाजले वापीमा खुला भलिबल प्रतियोगिता सम्पन्न गरेको छ ।
एकता समाज पश्चिम भारत क्षेत्रीय खेल विभागको आयोजनामा खुला भलिबल प्रतियोगिता भएको हो ।
कार्यक्रममा एकता समाज केन्द्रीय उपाध्यक्ष प्रेम पौडेलले समाज परिवर्तनको लागि खेलाडीहरुको भूमिका महत्वपूर्ण हुने बताउँदै सबै खेलाडीहरुलाई त्यहि रुपमा बुझ्न जरुरी रहेको बताउनुभयो ।
प्रतियोगितामा उत्कृष्ट खेलको प्रदर्शन गर्दै मुम्बई दादरको टिम प्रथम भएको थियो । तारापुर टिमले द्वित्तीय स्थान हासिल गर्न सफल भएको थियो । प्रथम टिमलाई प्रमुख अतिथि पौडेलले मेडल, प्रमाणपत्र र शिल्ड दिएर पुरुस्कृत गर्नुभएको थियो भने द्धित्तीय टिमलाई केन्द्रीय सचिव तथा क्षेत्रीय अध्यक्ष वेदबहादुर कार्कीले पुरस्कार प्रदान गर्नुभयो ।
उत्कृष्ट खेलाडीमा दमन टिमबाट खेल्नु हुने निसन्त क्षेत्रीलाई मेडल र प्रमाणपत्र दिएर कार्यक्रमका अध्यक्ष कृष्ण कुँवरले सम्मान गर्नुभएको थियो । सम्पूर्ण खलाडीहरुलाई मेडल तथा प्रमाण–पत्र केन्द्रीय सदस्य गोविन्द बहादुर थापा लगाएत अन्य अतिथिहरुले प्रदान गर्नु भएको थियो । प्रतियोगितामा १३ टिमको सहभागिता रहेको थियो ।
पश्चिम भारत क्षेत्रीय खेल विभागका सदस्य निखिल रावतको सञ्चालन, पश्चिम भारत क्षेत्रीय खेल बिभागका संयोजक तथा क्षेत्रीय उपाध्यक्ष कृष्ण कुँवरको अध्यक्षता तथा क्षेत्रीय खेल विभाग सदस्य देवेन्द्र रावलले स्वागत गर्नु भएको थियो।
कार्यक्रममा केन्द्रीय सचिव तथा पश्चिम भारत क्षेत्रीय अध्यक्ष वेदबहादुर कार्की, केन्द्रीय सदस्य गोविन्द बहादुर थापा, श्रीधर शर्मा, टंक कुँवर, केन्द्रीय समिति सल्लाहकार सदस्य मोहन बस्नेत, क्षेत्रीय समिति सल्लाहकार एव समाजिक व्यक्तित्व पवन गुरुङ, क्षेत्रीय समता विभागका शेर बहादुर विक, क्षेत्रीय जनजाति विभागका दिपेश लिम्बु, बाबुराम दहित, गन बहादुर राना, सुरेन्द्र राना लगाएतको आतिथ्यता रहेको थियो ।
