धनगढी । अखिल नेपाल राष्ट्रिय स्वतन्त्र विद्यार्थी युनियन (छैठौं)ले कैलालीको प्रतापपुरस्थित सरस्वती माविमा संगठन निर्माण गरेको छ । सोमबार ओभर्सियर शंकायमा अध्यनरत विद्यार्थीहरुको भेलाले इकाई समिति गठन गरेको हो ।
अखिल (छैठौं) कैलाली जिल्ला अध्यक्ष तथा केन्द्रीय सदस्य हेमराज भट्ट र सुदूरपश्चिम प्रदेश सहसचिव टंक अवस्थीको बिशेष उपस्थितीमा भेला सम्पन्न भएको थियो ।
नवगठित समितिको अध्यक्षमा भक्त जाग्री, उपाध्यक्ष गणेश बोहरा, सचिव राजन जाग्री र कोषाध्यक्षमा निरक्षा पोखरेल चयन हुनुभएको छ। सदस्यहरुमा तिलक सिंह धामी, पुस्कर शाही, विर बहादुर बोहरा, मनिष कुमार शाह, गणेश न्यौपाने, रोशन धामी, ज्ञानेन्द्र धामी, लिलाधर ओझा, लोचक विक, केशव विक र प्यारजन प्याकुरेल रहनुभएको छ ।
अखिल (छैठौं) कैलालीको जिल्ला भेला यही माघ २५ गते हुँदैछ । जिल्ला भेलाको पूर्व सन्ध्यामा विभिनन विद्यालयहरुमा संगठन निर्माण भइरहेको अखिल (छैठौं) ले जनाएको छ ।
