अखिल नेपाल राष्ट्रिय स्वतन्त्र विद्यार्थी युनियन (छैठौं) कास्कीको जिल्ला भेला आयोजक समिति गठन गरिएको छ । शनिबार सम्पन्न बिस्तारित बैठकले ११ सदस्यीय भेला आयोजक समिति निर्माण गरेको हो ।

आयोजक समितिको अध्यक्षमा दानबहादुर सारु, उपाध्यक्ष कृष्ण चोखाल, सचिव प्रताप पौडेल र कोषाध्यक्ष श्रवण शर्मा चयन हुनुभएको छ । सदस्यहरुमा बबिन शर्मा, मिलन ढकाल, नमुना श्रीस, सन्जीब पौडेल तथा वैकल्पिक सदस्यमा मनिला पुन, देवी हमाल र हरिकला शर्मा रहनु भएको छ ।

अखिल (छैठौंं) का केन्द्रीय उपाध्यक्ष गणेश अधिकारीको प्रमुख आतिथ्यतामा बसेको बिस्तारित बैठकमा राष्ट्रिय जनमोर्चा गण्डकी प्रदेश अध्यक्ष शंकर बराल, नेकपा (मसाल) कास्कीका प्रवक्ता चन्द्रबहादुर केसी, राजमो जिल्ला अध्यक्ष रबिमोहन ढकाल, अखिल नेपाल ट्रेड युनियन महासंघ (अन्टुक)का जिल्ला अध्यक्ष नामबहादुर बाठा मगरले शुभकामना मन्तव्य राख्नु भएको थियो ।

बैठकको अध्यक्षता दानबहादुर सारु मगर, स्वागत कृष्ण चोखाल र सञ्चालन प्रताप पौडेलले गर्नु भएको थियो । आयोजक समितिको आगामी बैठकबाट जिल्ला भेलाबारे निर्णय गरिने केन्द्रीय उपाध्यक्ष अधिकारीले जानकारी दिनुभएको छ ।