काठमाडौं । राष्ट्रिय जनमोर्चा रामेछापको जिल्ला भेला शनिबार सम्पन्न भएको छ । राजमो केन्द्रीय सदस्य लालबहादुर थापाको प्रमुख आतिथ्यतामा सम्पन्न भेलाले जिल्ला समिति पुनर्गठन गरेको छ ।
नवगठित समितिको अध्यक्षमा मनोज श्रेष्ठ चयन हुनुभएको छ । उपाध्यक्षमा अर्जुन थापा, सचिव राजेन्द्र श्रेष्ठ र कोषाध्यक्षमा तालदास श्रेष्ठ चयन हुनुभएको छ । सदस्यहरुमा सुर्य श्रेष्ठ, धनबहादुर लामा, मेनिका पुन, केवाई मगर र मदन थापा रहनुभएको छ । भेलाले ५ सदस्यीय सचिवालयमा गठन गरेको छ । जसमा मनोज श्रेष्ठ, अर्जुन थापा, राजेन्द्र श्रेष्ठ, तालदास श्रेष्ठ र धनबहादुर रहनुभएको छ ।
कार्यक्रममा अखिल नेपाल महिला संघका अध्यक्ष मिना पुन, अखिल नेपाल जनजाती सम्मेलनका अध्यक्ष निमबहादुर मगर, अखिल नेपाल ट्रेड युनियन महासंघ (अन्टुक) का अध्यक्ष नारायण सापकोटा, अखिल नेपाल किसान महासंघका केन्द्रीय सदस्य तथा राजमो बागमती प्रदेश सचिव शिवहरी खनाल र राजमो बागमती प्रदेश सदस्य निलगोविन्द महर्जनले भेला सफलताको शुभकामना दिनुभएको थियो ।
कार्यक्रमको अध्यक्षता राजमो जिल्ला अध्यक्ष मनोज श्रेष्ठ तथा सञ्चालन जिल्ला सदस्य जगत श्रेष्ठले गर्नुभएको थियो ।
