काठमाडौं । प्रतिनिधि सभाको उपसभामुखमा नेपाली कांग्रेसकी पुष्पा भुसाल निर्वाचित हुनुभएको छ । शुक्रबार संसदमा भएको मतदानमा भुसाल १ सय ४८ मतसहित निर्वाचित हुनुभएको हो ।

नेकपा एमालेकी विद्या भट्टराईलाई हराउँदै भुसाल दोस्रो पटक उपसभामुख हुनुभएको हो ।              भुसाललाई नेपाली कांग्रेस, माओवादी केन्द्र, एकीकृत समाजवादी पार्टी, जनता समाजवादी पार्टी, लोकतान्त्रिक समाजवादी पार्टी, राष्ट्रिय जनमोचाले मत दिए ।

भट्टराईले १ सय ९ मत ल्याउनुभयो । संसद सचिवालयका अनुसार निर्वाचनमा २ सय ६२ सांसद उपस्थित थिए।

६ माघ ०७६ मा उपसभामुख शिवमाया तुम्बाहाम्फेले राजीनामा दिएपछि २९ महिना रिक्त थियो ।