रामप्रसाद पौडेल, हैदराबाद ।
मूल प्रवाह अखिल भारत नेपाली एकता समाज, मध्य दक्षिण क्षेत्रीय समिति अन्तर्गत पर्ने तेलङाना राज्यको निजामाबादमा मूल प्रवाहको नगर समिति गठन गरिएको छ ।
होटेल लाइनमा कार्यरत नेपालीहरुको बिचमा एक भेलाको आयोजना गरी नगर समिति निर्माण गरिएको हो । उक्त भेलाको उद्घाटन मूल प्रवाहका केन्द्रीय उपाध्यक्ष प्रेम पौडेलले गर्नुभएको थियो ।
त्यसक्रममा उपाध्यक्ष पौडेलले भारतमा रहेका सबै प्रकारका श्रमजीवीहरुको हक हितको लागि काम गर्ने संगठन भनेको नै मूल प्रवाह अखिल भारत नेपाली एकता समाज हो भन्नुभयो ।
‘एकता समाजले भारतमा रहेका नेपालीहरुको समस्या को हल मात्र गर्दैन, यसले देशभित्र चल्ने गरेका विभिन्न समयका जनतन्त्रिक आन्दोलनहरुलाई पनि सफल पार्नको लागि प्रत्यक्ष वा अप्रत्यक्ष रुपमा भूमिका निभाउँदै आइरहेको छ’ उहाँले भन्नुभयो, ‘यो संगठनलाई उपयोग गरेर आफ्नो व्यक्तिगत स्वार्थ पूरा गर्नका लागि संगठनमा प्रवेश गर्ने मात्रै होइन नेतृत्व तहसम्म पुगेका व्यक्तिहरुबाटै संगठनलाई ध्वस्त पार्ने, फुटाउने या भ्रम फैलाउने काम स्थापनाकालदेखि अद्यावधि कायमै रहेको छ । तर सङठनको सही नीति, योजना र जनतासँगको व्यवहारिक घनिष्ठताको कारणले सम्पूर्ण नेपालीहरुको मन मुटुमा स्थापित हुन सकेको छ, अब यो संगठन लाई कसैले भत्काउन दुस्साहस गर्छ भने त्यो आफै पतन भएर जानेछ ।’
मध्य दक्षिण क्षेत्रीय समितिका सदस्य कुल बहादुर रेश्मीको पहल र प्रेम रेश्मिको सक्रियतामा उक्त भेला सम्पन्न भएको थियो ।
भेलाले पुरन टण्डनको अध्यक्षतामा दुई रिक्तसहित १९ सदस्यीय निजामाबाद नगर समितिको गठन गरेको छ ।जसको उपाध्यक्ष हुम बहादुर बुचा, सचिव बिमल कँडेल, सह सचिव गोपाल टन्डन, कोषाध्यक्ष तेज बहादुर बुचा चयन हुनुभएको ।
सदस्यहरु मदन पालुङे, विशाल रजाली ‘भैरब खडका, अन्कित बलाल, बल बहादुर रेश्मी, विशाल रजाली ‘बि’, प्रेम रेश्मी, श्रीराम राना, राजु रजाली, शिव पचभैया, गन बहादुर चुने, गङु थाने रहनु भएको छ ।
