बुटवल । राष्ट्रिय जनमोर्चा, रुपन्देहीले कञ्चन गाउँपालिकामा पार्टीको नामबाट भेला राखिएको भन्ने खबरप्रति आपत्ति जनाएको छ ।
आज वैशाख ३ गते हरैया क्याम्पसमा हुने भनिएको भेला राजमोको नरहेको जिल्ला अध्यक्ष बद्रे आलमले स्पष्ट पार्नुभएको छ ।
राष्ट्रिय जनमोर्चा कञ्चन गाउँपालिकाले आफ्नो भेला २०७८ चैत १४ गते बेलभरियाको अपाङ्ग हलमा केन्द्रीय अध्यक्ष चित्र बहादुर केसीको प्रमुख आथित्यतामा तथा कञ्चन गाउँपालिकाका अध्यक्ष लीलाराम खनालको अध्यक्ष्यतामा सम्पन्न गरिसकेको थियो ।
राजमो कञ्चन गाउँपालिकाका अध्यक्ष लीलावल्लभ खनालले शनिबार एक विज्ञप्ति प्रकाशित गरी कार्यबाहक बिंदु कुँवरको नामबाट प्रकासित सूचना राष्ट्रिय जनमोर्चाको होइन भन्दै भ्रममा नपर्न आग्रह गर्नुभएको छ ।
‘राष्ट्रिय जनमोर्चाको नाउँमा फुटपरस्त तत्वहरूबाट गरिने कुनै पनि प्रकारको भेला वा सम्मेलन राजनैतिक बैमानी हो’ अध्यक्ष खनालद्वारा जारी विज्ञप्तिमा भनिएको छ, ‘तसर्थ यसप्रकारको भ्रममा नपर्न सम्पूर्ण जनसमुदायमा अनुरोध गर्दछु।’
