कृष्ण केसी, चितवन ।
राष्ट्रिय जनमोर्चा चितवनको प्रशिक्षण तथा चुनावी भेला सम्पन्न भएको छ । शुक्रबार राजमोको पार्टी कार्यालय भरतपुरमा भेला सम्पन्न भएको हो ।

कार्यक्रमलाई सम्बोधन गर्दै राष्ट्रिय जनमोर्चाका केन्द्रीय सदस्य तथा चितवन जिल्ला अध्यक्ष डमर पुरीले चुनावलाई प्रतिगमनका विरुद्व र आफ्नो पहिचानको लागि लड्न अवश्यकता रहेको बताउनु भयो । उहाँले एउटा सच्चा र देशभक्त पार्टी राजमो मात्र भएकोले सम्पूर्ण नेपाली जनताले राजमोलाई भोट दिएर जिताउन आग्रह गर्नुभएको थियो ।

कार्यक्रममा नेकपा (मसाल) का जिल्ला प्रवक्ता मेगाराज ढकाल, रक्तिम सांस्कृतिक अभियानका जिल्ला अध्यक्ष देवी शर्मा र बुद्धिजीवी इन्द्र ढुंगानाले प्रशिक्षणात्मक मन्तव्य व्यक्त गर्नुभएको थियो ।

राजमो जिल्ला उपाध्यक्ष अमर क्षत्रीको अध्यक्षता तथा सचिव पुष्प कमल सुवेदीको सञ्चालनबाट अघि बढेको कार्यक्रममा होमनाथ शर्माले स्वागत गर्नुभएको थियो ।

भेलामा नेताहरुले आ–आफ्नो नगरपालिका, गाउँपालिका र वडाको रिपोटिङ गर्नुभएको थियो । भेलाले डमर पुरीको संयोजकत्वमा २४ सदस्यीय चुनाव परिचालन समिति गठन गरेको छ ।