शुक्रराज भण्डारी, (दाङ) तुलसीपुर ।
तुलसीपुर उपमहानगरपालिका वडा नंं. ६ मा अखिल नेपाल महिला संघको वडा भेला सम्पन्न भएको छ । शुक्रबार सम्पन्न भेला सिता भण्डारीको अध्यक्षतामा वडा समिति गठन गरेको छ ।

१७ सदस्यीय तुलसीपुर उपमहानगरपालिका– ६ को वडा समितिको उपाध्यक्षमा भिमादेवी भुसाल, सचिव पुष्पा भण्डारी र कोषाध्यक्षमा हिमा महतारा चयन हुनुभएको छ ।

समितिको सदस्यहरुमा विष्णा भण्डारी, प्रतिज्ञा भण्डारी, यसोधा भुसाल, जुनु महतारा, सुनिता महतारा, लालसरी खड्का, धना महतारा, गंगा महतारा, भुमा महतारा, कुवारी महतारा, लक्ष्मी महतारा र शारदा भुसाल रहनुभएको छ ।

कार्यक्रममा राष्ट्रिय जनमोर्चाका केन्द्रीय सदस्य कमला जिसी र जिल्ला सचिवालय सदस्य शुक्रराज भण्डारीले प्रशिक्षणात्मक मन्तव्य राख्नु भएको थियो ।

त्यस्तै, राजमो तुलसीपुर उपमहानगरपालिका–६ को चुनावी भेला सम्पन्न भएको छ । वडा समितिका अध्यक्ष नोमलाल भुसालको अध्यक्षतामा र सचिव प्रेमबहादुर महतराको सञ्चालनमा सम्पन्न भेलाले विभन्न टोलहरुमा टोल भेला र प्रशिक्षण कार्यक्रम सञ्चालन गर्ने योजना बनाएको छ ।

त्यसैगरी तुलसीपुर उपमहानगरपालिका – ७ अन्तर्गत गणेशपुर टोल भेला पनि आज सम्पन्न भएको छ । भेलालाई सम्बोधन गर्दै नेकपा (मसाल) दाङ जिल्ला प्रवक्ता भरत भण्डारीले प्रतिगमनकारीहरु धेरै सलबलाउन थालेको बताउँदै यीनीहरुलाई स्थानीय तहको चुनावको माध्यमबाट जनताले ठेगान लगाउनु पर्ने समय आएको बताउनु भयो ।

प्रवक्ता भण्डारीले जनताले विश्वास गरेर म्यान्डेड दिँदा पनि जनमतको कदर गर्न नसक्नेहरुले फेरि मत माग्ने नैतिक अधिकार समाप्त भएको जिकिर गर्नु भयो । उहाँले राष्ट्रियताको रक्षा, संघीयताको खारेजी र भ्रस्टाचार, अनियमित, महंगीका विरुद्धमा आवाज उठाउने शक्ति राष्ट्रिय जनमोर्चा मात्र भएकाले उसका पक्षमा लाग्न टोलवासीलाई आग्रह गर्नु भयो ।

कार्यक्रममा राष्ट्रिय जनमोर्चाका नगर अध्यक्ष श्यामलाल पोख्रेल, अखिल नेपाल युवक संघ दाङका सहसचिव जनक भण्डारी, अखिल नेपाल महिला संघका नगर अध्यक्ष निमा रेग्मी, जातीय समता समाजका प्रेम विक, अखिल नेपाल किसान महासंघ दाङका अध्यक्ष ऋषिराम पौडेल, अखिल नेपाल युवक संघका नगर अध्यक्ष विजय सुवेदीले पनि सम्बोधन गर्नुभएको थियो ।
गणेशपुर टोल समितिका अध्यक्ष हरि प्रसाद रेग्मीको अध्यक्षतामा नगर सचिव दुर्गा प्रसाद भण्डारीको सञ्चालन र– ७ का सचिव दुर्गा प्रसाद भण्डारीको स्वागतबाट कार्यक्रम शुरु भएको थियो ।

भेलाले टोल समितिका अध्यक्ष हरि प्रसाद रेग्मीको अध्यक्षतामा समिति गठन गरेको छ । समितिको उपाध्यक्षमा यमबहादुर वली, सचिव शुसिला भण्डारी र कोषाध्याक्षमा कुल प्रसाद भण्डारी चयन हुनुभएको छ । सदस्यहरुमा देवकली पोख्रल, सिता भण्डारी, खेतु भण्डारी, उमा खनाल, डिलाराम भण्डारी, कमला भण्डारी, हरी खनाल, ओमकान्त पोख्रेल मोतिकला भण्डारी, सुकदेव भण्डारी, मोतिकला भण्डारी, निमा रेग्मी, जनक भण्डारी, खिमानन्द खनाल रहेको २१ सदस्यीय टोल समिति गठन गरेको छ ।