कञ्चनपुर । कञ्चनपुरमा पछिल्लो समय राष्ट्रिय जनमोर्चाप्रति आकर्षण बढ्दै गएको छ । जिल्लाका विभिन्न स्थानमा अन्य पार्टी परित्याग गरी राजमोमा प्रवेश चलिरहेको छ ।
निर्वाचनको मुखमा विभिन्न दलहरुले दिने आश्वासन र प्रलोभनलाई इन्कार गर्दै राष्ट्रिय जनमोर्चाको सदस्यता लिने लहर नै चलेको छ ।
सोही सन्दर्भमा बिहीबार बेल्डाँडी गाउँपालिकामा विभिन्न पार्टी परित्याग गरी कैयौँ ब्यक्ती राष्ट्रिय जनमोर्चामा प्रवेश गरेका छन् । नव प्रवेशीहरुलाई राजमो जिल्ला अध्यक्ष राम बहादुर कार्कीले सदस्यता प्रदान गरी पार्टीमा स्वागत गर्नु भयो ।
सो क्रममा भएको भेलाले रैजी दमाईको संयोजकत्वमा १३ सदस्यीय प्रचार समिती गठन गरेको छ । यस्तै, वार्ड नं १ मा ओमप्रकाश चौधरीको संयोजकत्वमा ९ सदस्यीय प्रचार समिती गठन भएको छ ।
दुवै वडाको भेलामा राजमो प्रदेश सचिव राजाराम चौधरी, जिल्ला सचिव अहिमान थापा, सह सचिव लाल बहादुर कुँवरले सम सामयिक विषयमा पार्टीको धारणा राख्नु भयो । कार्यक्रममा राजमो भीमदत्त नगर समितिका उपाध्यक्ष ईन्द्रलाल दमाईको समेत उपस्थिति थियो ।
पछिल्लो समय कञ्चनपुरका विभिन्न स्थानमा राजमोमा अन्य पार्टीका कार्यकर्ता तथा सर्वसाधारण प्रवेश गरिरहँदा राजमोको जिल्ला नेतृत्व उत्साहीत बनेको छ । जिल्ला अध्यक्ष रामबहादुर कार्कीले विगतको निर्वाचनको कमजोरी सच्याउँदै यसपटक कैयौं स्थानमा चुनाव जित्नेगरी तयारी भइरहेको बताउनुभएको छ ।
बेल्डाँडी गाउँपालिकाको वडा नं २, बेलौरी नगरपालिकाको वडा नं ७ र ९, लालझाडी गाउँपालिकाको १, शुक्लाफाँटा नगरपालिकाको १ र १२, बेदकोट नगरपालिकाको २ तथा भीमदत्त नगरपालिकाको वडा नं ५ लगायतका स्थानमा पार्टीले निर्वाचन जित्ने अध्यक्ष कार्कीको दाबी छ । कञ्चनपुरमा अन्य राजनीतिक दलले चुनावी गठबन्धनको लागि प्रस्ताव गरेको कार्कीले जानकारी दिनुभयो ।
‘गठबन्धनको लागि समेत प्रस्ताव आएको छ । तर, अहिले हाम्रो व्यस्तताका कारण छलफल गर्न पाएका छैनौँ’ कार्कीले युगदर्शनसँग भन्नुभयो, ‘केही दिनमा यसबारे पनि छलफल गरेर टुंगोमा पुग्छौँ ।’
- कञ्चनपुरमा दर्जनौं युवा राजमोमा प्रवेश
- कञ्चनपुरमा राजमोप्रति बढ्दै युवा आकर्षण
- कञ्चनपुरमा राजमोको चुनावी भेला, पूर्वप्रहरी नाथलाई पार्टीमा स्वागत
