कञ्चनपुर । कञ्चनपुरको शुक्लाफाँटा जगरपालिकाका दर्जनौं युवा राष्ट्रिय जनमोर्चामा प्रवेश गरेका छन् । शुक्रबार शुक्लाफाँटामा राष्ट्रिय जनमोर्चाले आयोजना गरेको चुनावी भेलाका क्रममा ती युवाले राजमोको सदस्यता लिएका हुन् ।
सुक्लाफाँटाका युवाहरु भोज बहादुर दमाई, हरिस महरा, भरत विष्ट, खगेन्द्र राना, लक्ष्मण महरा, गजेन्द्र राना, तेज विष्ट, विस्णु विष्ट, धिरेन्द्र साउद, तेज बोहरा, आशिष साहु, सुमित ढुङाल, मनोज जोशी, रमेस जोशी, उत्तम साउदलगायत राजमोमा प्रवेश गरेका हुन्। प्रवेश गर्ने अधिकांश खेलाडीहरु हुन् ।
नव प्रवेशीलाई राजमोका जिल्ला अध्यक्ष रामबहादुर कार्कीले अबिर लगाइदिएर पार्टीमा स्वागत गर्नुभयो ।
कार्यक्रममा जिल्ला अध्यक्ष कार्कीले प्रशिक्षणसहित स्थानीय निर्वाचन र समसामयिक परिस्थितिबारे स्पष्ट पार्नुभएको थियो । यस्तै, अखिल नेपाल ट्रेड युनियन महासंघ (अन्टुक) का प्रदेश अध्यक्ष जनक कुँवरले चुनावी कार्यक्रम प्रस्तुत गर्नुभएको थियो ।
नगरस्तरीय चुनावी भेलाको सन्चालन नगर इन्चार्ज पृथ्वी केसी र अध्यक्षता नगर अध्यक्ष टुङे बोहराले गर्नुभएको थियो भने स्वागत नगर सदस्य संकर विष्टले गर्नुभएको थियो । कार्यक्रममा राजमो जिल्ला सदस्य वीर बहादुर बोहरा, रक्तिमका प्रदेश सदस्य कोपिला कार्कीलगायतको आतिथ्यता रहेको थियो ।
भेलाले वीर बहादुर बोहराको संयोजकत्वमा ७ सदस्यीय निर्वाचन परिचालन समिति, पृथ्वी केसीको संयोजकत्वमा ५ सदस्यीय आर्थिक समिती र महेश नागरीको संयोजकत्वमा ५१ सदस्यीय प्रचार समिति गठन गरेको छ ।
- कञ्चनपुरमा राजमोप्रति बढ्दै युवा आकर्षण
- कञ्चनपुरमा राजमोको चुनावी भेला, पूर्वप्रहरी नाथलाई पार्टीमा स्वागत
