मोर्बी (गुजरात), २५ जुलाई । मूल प्रवाह अखिल भारत नेपाली एकता समाज, पश्चिम भारत क्षेत्रीय समिति अन्तर्गत मोर्बी नगर संगठन समिति गठन गरिएको छ । सागर परिवारको सञ्चालन तथा गोपाल रावतको अध्यक्षतामा सम्पन्न सामान्य भेलाले २५ सदस्यीय नगर समिति सर्वसम्मत रूपमा चयन गरेको छ ।
भेलामा मूल प्रवाह अखिल भारत नेपाली एकता समाजका केन्द्रीय सचिव एवं पश्चिम भारत क्षेत्रीय अध्यक्ष बेदबहादुर कार्की प्रमुख अतिथिका रूपमा उपस्थित हुनुहुन्थ्यो । कार्यक्रममा गणेश रावतले स्वागत मन्तव्य राख्नुभएको थियो ।
नवगठित समितिमा अध्यक्ष– गोपाल रावत, उपाध्यक्ष– जे.पी. विक, सचिव– सागर परिवार, सहसचिव– बिरेन्द्र घर्ती, कोषाध्यक्ष– गणेश रावतमा चयन हुनुभएको छ ।
त्यसैगरी, सदस्यहरूमा तिलक ढकाल, पूर्ण विक, रमेश पौडेल, सुरेश सोनी, मोहन महत्तरा, हिक्मत परियार, मोहन सोनी, मनोज रावल, ललित अधिकारी, सुनिल विक, सन्तोष रावल, दीपेन्द्र घर्ती, सन्जु लामा र विकास रावत चयन हुनुभएको छ । वैकल्पिक सदस्यमा राजु राना, प्रकाश परियार र लक्ष्मण परियार रहनुभएको छ भने सल्लाहकारमा मोहन पौडेल, शुभाष केसी, समीर सोनी तथा एक जना अन्य सदस्य चयन हुनुभएको जानकारी दिइएको छ ।
