बागलुङ । राष्ट्रिय जनमोर्चा, बागलुङले निर्वाचनलाई केन्द्रित गरेर भेला सम्पन्न भएको छ । बिहिबार काठेखोला गाउँपालिका–३ को धम्जामा भेला सम्पन्न भएको हो।
भेलामा प्रमुख अतिथि राष्ट्रिय जनमोर्चा गण्डकी प्रदेश सदस्य तिलक थापा, अतिथिहरु राजमो बागलुङका सचिवालय सदस्य लक्ष्मण पुन, जिल्ला सल्लाहकार अर्जुन खत्री, जातीय समता समाज बागलुङका सचिव टीका संगम बिक लगायतले मन्तब्य राख्नु भएको थियो ।
उक्त भेलाले काठेखोला गाउँपालिका–३ धम्जाको स्थानीय निर्वाचनका लागि पूर्णबहादुर थापाको संयोजकत्वमा ७ सदस्यीय निर्वाचन परिचालन समिति, रुद्र बहादुर थापाको संयोजकत्वमा ५१ सदस्यीय निर्वाचन प्रचारप्रसार समिति, रिम थापाको संयोजकत्वमा ५ सदस्यीय आर्थिक समिति र दिलु केसीको संयोजकत्वमा ७ सचिवालय रहेको स्वंयसेवक परिचालन समिति चयन गरेको छ ।
त्यस्तै, चैत्र २५ गते भित्र धम्जाका विभिन्न टोलहरुमा भेला सम्पन्न गर्ने निर्णय समेत गरेको छ । वडा समिति अध्यक्ष पूर्ण बहादुर थापाको अध्यक्षता, अरुण कुमार विकको सञ्चालन र रिम बहादुर थापाको स्वागत मन्तब्यमा कार्यक्रम सम्पन्न भएको थियो ।
