हरिप्रसाद सापकोटा, कलैया ।
राष्ट्रिय जनमोर्चा रौतहट जिल्ला समितिको आयोजनामा एम.सी.सी. को खारेजीको मागसहित विरोधसभा सम्पन्न भएको छ ।

यमुनामाई गाउँपालिकाअन्तर्गत झुन्खुन्वा चोकमा नाराजुलुससहित उक्त कार्यक्रम सम्पन्न गरिएको हो ।

२०७८ माघ २६ गते आयोजित उक्त कार्यक्रममा राष्ट्रिय जनमोर्चाका प्रदेश सदस्य हरिकिसोर महतो, तराई–मधेस जनवादी मोर्चाका उपाध्यक्ष शेखनुरुल हक, अखिल (छैठौं) मधेस प्रदेशका उपाध्यक्ष महमद अतिउल्लालगायतका नेताहरूले मन्तव्य राख्दै एम.सी.सी. नेपालको राष्ट्रिय सार्वभौमिकताको विरुद्धमा रहेकाले त्यसलाई तत्कालै खारेज गर्नुपर्ने बताउनुभएको थियो ।