जनकपुरधाम । प्रदेश २ को स्थायी राजधानी ‘जनकपुरधाम’ हुनुपर्ने प्रस्तावमा मतदान सुरु भएको छ । सोमबार प्रदेश सभामा मतदान भएको हो ।
यो प्रस्तावमा प्रदेशसभाका सबै दलको संयुक्त प्रस्ताव हो । जनकपुरधाम राजधानी हुनुपर्ने प्रस्ताव सबै दलले साझा प्रस्तावका रुपमा राखेका हुन् ।
उत्तरमा धनुषा ढल्केवरको पूर्वपश्चिम लोकमार्ग, पूर्वमा कमला नदी, दक्षिणमा नेपाल–भारत सीमा र पश्चिममा मिथिला माध्यमिकी परिक्रमा क्षेत्र रहेको जनकपुरधामलाई प्रदेश राजधानी बनाउनु उपयुक्त हुने दाबी प्रस्तावमा गरिएको छ।
यो प्रस्तावमा दुई तिहाई पुगे जनकपुरधाम राजधानी पास हुनेछ । नभए राजधानी वीरगन्ज हुनुपर्ने अन्य दुई प्रस्तावमाथि क्रमशः मतदान हुने छ ।
समाचार संकलमा रोक लगाएको भन्दै प्रदर्शन
प्रदेशसभामा समाचार संकलनका लागि रोक लगाएपछि सञ्चारकर्मीहरूले विरोध प्रदर्शन गरेका छन् । सञ्चारकर्मीले प्रदेशसभा भवन अगाडि आ–आफ्ना सञ्चार सामग्री राखेर विरोध प्रदर्शन गरेका हुन्।
‘जनकपुरधाम’ राजधानी हुनुपर्ने प्रस्तावमा सोमबार प्रदेश सभामा भइरहेको मतदानको समाचार संकलन गर्न पुगेका सञ्चारकर्मीलाई अवरोध गरिएको थियो । तयसपछि पत्रकारहरुले प्रदेशसभाको गेटमै सञ्चार सामग्री राखेर विरोध गरेका हुन् ।
