बागलुङ । राष्ट्रिय जनमोर्चा बागलुङको बिशेष संगठनात्मक अभियान जैमिनी नगरपालिका–४ को सर्कुवामा प्रशिक्षण भेला सोमबार सम्पन्न भएको छ ।
प्रशिक्षण भेलामा प्रमुख अतिथि राष्ट्रिय जनमोर्चाका केन्द्रीय सदस्य तथा जिल्ला समन्वय प्रमुख राजेन्द्र ढुंगानाले केपी ओलीले संसद विघटन गरेका कारण राजनीतिक अस्थिरता निम्त्याएको बताउनुभयो । उहाँले अहिलेसम्मका आन्दोलनका उपलब्धि गुम्न नदिन प्रतिगमनको विरुद्धमा गठबन्धन गरेको बताउदै ढुंगानाले जब देशलाई अफ्ट्यारो पर्छ त्यति खेर राष्ट्रिय जनमोर्चाले प्रशिक्षण अभियान लिएर जनताको घर दैलोमा पुगेको बताउनु भयो।
राष्ट्रिय जनमोर्चाका पूर्व केन्द्रीय सदस्य कृष्ण थापाले प्रशिक्षण भेलालाई सम्बोधन गर्दै गण्डकी प्रदेशको पछिल्लो राजनैतिक सत्ता समीकरणमा पार्टीसंग मत भिन्न भएका कारण आफुलाई संसदबाट हटाईएको भए पनि आफु राष्ट्रिय जनमोर्चामा नै प्रतिबद्ध रहेको बताउनु भयो।
त्यसैगरि अखिल नेपाल जनजाती सम्मेलनका पूर्व केन्द्रीय सल्लाहकार नरबहादुर पुनले प्रशिक्षण मन्तव्य राख्नु भएको थियो ।
कार्यक्रममा राष्ट्रिय जनमोर्चाका केन्द्रीय सदस्य डिलबहादुर दर्जी, नगर अध्यक्ष डिलबहादुर श्रीस, युवक संघका प्रदेश सचीव संजाल शर्मा, जातीय समता समाजका रामकुमार विक, राष्ट्रिय जनमोर्चा जैमिनीकी कोषाध्यक्ष शान्तकला शर्मा,अखिल नेपाल युवक संघका जिल्ला सदस्य खगेन्द्र थापा, राष्ट्रिय जनमोर्चाका नगर सल्लाहकार बालकृष्ण शर्मा, जैमिनी कार्यपालिका सदस्य हिरादेवी पौडेल लगाएका आतिथ्यता रहेको थियो।
नगर सदस्य चन्द्र बहादुर केसीको अध्यक्षतामा सुरु अगाडी बढेको कार्यक्रमको स्वागत नारायण पौडेलले गर्नु भएको थियो भने सञ्चालन कृष्ण पौडेलले गर्नु भएको थियो।
बागलुङमा राजमोको विशेष संगठनात्मक अभियान जारी, एकै दिन ६ ठाउँमा प्रशिक्षण
राजमो बागलुङको विशेष संगठनात्मक अभियान : जैदी र नारायणस्थानमा भेला सम्पन्न
बागलुङमा राजमोको संगठनात्मक अभियान जारी, छिस्ती र अमलाचौरमा प्रशिक्षण
विशेष संगठनात्मक अभियान राङखानीमा
बागलुङमा राजमोका विशेष संगठनात्मक अभियान जारी
