शिव पन्थी, प्युठान ।
नेकपा (मसाल) नेता रणबहादुर कुँवरको सम्झनामा शोक सभाको आयोजना गरिएको छ । उहाँको निधन भएको सातौं दिनमा बुधबार राष्ट्रिय जनमोर्चा स्वर्गद्वारी नगर समितिको आयोजनामा शोक सभा सम्पन्न गरिएको हो ।
स्वर्गद्वारी नगरपालिका–२ दहवन निवासी अखिल नेपाल किसान संघ जिल्ला समिति सदस्य, अखिल नेपाल जनजाति सम्मेलनका नगर अध्यक्ष तथा नेकपा (मसाल) का नगर सल्लाहकार सदस्यसमेत रहनु भएका कुँवरको एक साता अगाडि असामहिक निधन भएको थियो ।
शोकसभामा राजमो प्युठान जिल्ला अध्यक्ष कृष्ण खड्काले कुँवरको असामयिक निधनले पार्टीलाई स्तब्ध बनाएको बताउनु भयो ।
शोकसभामा प्युठान जिल्ला समन्य समितिका प्रमुख केशवराज आचार्य, राजमो जिल्ला उपाध्यक्ष ईमानसिंह खड्का, जिल्ला सहसचिव लालबहादुर राउत, सदस्य मिनराज राना, इन्द्रबहादुर खड्का, गिरबहादुर गुरुङ, थम्मन बुढामगर, मल्लरानी गाउँपालिक अध्यक्ष अम्मरध्वज राना, अखिल नेपाल युवक संघका केन्द्रीय सदस्य होमलाल नेपाली, अखिल नेपाल जनजाति सम्मेलनका जिल्ला सचिव, घनबहादुर जीएम, राजमो नगर सदस्य शिव पन्थी, दामोदर गोरा थोकी, बिनोद विक, बिष्णु भुषाल, लगाएतको उपस्थिति रहेको थियो ।
नबहादुर पुनको अध्यक्षता तथा बुद्धिराम पुनको सञ्चालनबाट अघि बढेको कार्यक्रममा मृतककी श्रीमति खूनी कुँवर, छोरा गोपाल कुँवर लगाएत परिवारका सदस्य तथा स्थानीयको उपस्थिति रहेको थियो ।
