केरसिंह अदै, कपिलवस्तु ।
राष्ट्रिय जनमोर्चाले देशव्यापीरुपमा आयोजना गरेको एमसीसी सम्झौता विरुद्धको सभा कपिलवस्तुमा पनि सम्पन्न भएको छ । सदरमुकाम तौलिहवा र पश्चिम विजय नगर गाउँपालिका गरी दुई ठाउँमा विरोध सभा गरिएको हो ।
तौलिहवामा भएको सभालाई राजमोका जिल्ला अध्यक्ष दधिराम आचार्य, उपाध्यक्ष रामप्रसाद बेल्बासे, अखिल नेपाल बुद्धिजीवी संघका जिल्ला संयोजक, शशी सापकोटाले सम्बोधन गर्नु भएको थियो ।
त्यस्तै, पश्चिम भारतको सीमासँग जोडिएको विजयनगर गाउँपालिकामा पनि एमसीसी सम्झौता विरुद्ध सभा सम्पन्न भएको छ ।
राजमो विजय नगर गाउँपालिकाका अध्यक्ष गोपाल सुनारको अध्यक्षता, र रक्तिम सांस्कृतिक अभियान शिवराजका अध्यक्ष बेगम बुढाको सञ्चालनमा सभा अघिबढको थियो ।
सभालाई राजमो जिल्ला कोषाध्यक्ष चेतनारायण खनाल, जिल्ला सल्लाकर तथा, अखिल नेपाल ट्रेड युनियन महासंघ (अन्टुक) का केन्द्रीय सदस्य केरसिंह अदैले सम्बोधन गर्दै एमसीसी सम्झौता नेपालको कानुन भन्दा माथि हुने, सेनासहित आउने र तत्कालीन अवस्थामा आर्थिक सहयोगको नाममा अमेरिका नेपालमा भित्रिन खोजेको आरोप लगाउनुभयो ।
उहाँहरुले इन्डोफेसिफिक रणनीति अन्तर्गत चीनलाई घेर्ने रणनीति भएको भन्दै नेपाललाई अस्थिर बनाउने चीन र अमेरिकाको युद्धमा नेपाल रणभूमि हुने भएकोले यो सम्झौताको विरुद्ध सम्पूर्ण देशभक्त नेपाली एमसीसी खारेजीको लागि संघर्ष गर्नु पर्ने बताउनु भयो ।
