बुटवल । लुम्बिनी प्रदेशका मुख्यमन्त्री शंकर पोखरेलविरुद्ध फेरि अविश्वासको प्रस्ताव दर्ता भएको छ । मंगलबार विपक्षी गठबन्धनका ३४ जना सांसदहरूको हस्ताक्षर सहित अविश्वासको प्रस्ताव दर्ता गरिएको हो ।

नेकपा माओवादी केन्द्र, नेपाली कांग्रेस, जनता समाजवादी पार्टी लगायतले आज मंगलबार प्रदेश सभा सचिवालयमा अविश्वासको प्रस्ताव दर्ता गराएका हुन् । लुम्बिनी प्रदेशमा ८० सांसद छन्। जसपाका तीन सांसद पदमुक्त भएपछि मुख्यमन्त्री पोखरेलले बहुमत गुमाएको जनाइएको हो ।

लुम्बिनी प्रदेसभामा विपक्षी गठबन्धनमा रहेका नेपाली कांग्रेस, माओवादी केन्द्र, जनता समाजवादी दल र राष्ट्रिय जनमोर्चाले यसअघि पनि मुख्यमन्त्री पोखरेलविरुद्ध अविस्वासको प्रस्ताव दर्ता गराएका थिए । तर, अविश्वासको प्रस्ताव छल्न राजीनामा दिएर पुनः सोही दिन मुख्यमन्त्रीको शपथ गराइएको थियो ।