काठमाडौं । प्रधानमन्त्री केपी ओलीले गरेको संसद विघटनलगायत प्रतिगामी कदमविरुद्ध पाँच विद्यार्थी संगठनले आज (बुधबार) देशब्यापी प्रदर्शन गर्ने भएका छन् ।
अखिल (छैठौं), नेपाल विद्यार्थी संघ, अखिल (क्रान्तिकारी), अनेरास्ववियु र समाजवादी विद्यार्थी युनियनले संयुक्त रुपमा प्रदर्शन गर्दैछन् ।
उपत्यकाका काठमाडौं, ललितपुर र भक्तपुरसहित ७७ वटै जिल्लामा संयुक्तरुपमा विरोध प्रदर्शनको कार्यक्रम तय गरिएको विद्यार्थी नेताहरुले जनाएका छन् । मौसम अनुकूलता हेरेर संसद् विघटनलगायत प्रतिगमनविरुद्ध प्लेकार्ड प्रदर्शनदेखि प्रधानमन्त्रीको पुत्ला जलाउनेसम्मका कार्यक्रम गरिने छ ।
असार १४ गते बसेको पाँ विद्यार्थी संगठनको बैठकले आज (असार १६ गते) देशभर प्रधानमन्त्रीको पुतला दहन र असार १७ गते काठमाडौँमा विरोध प्रदर्शनलगायत कार्यक्रम सार्वजनिक गरेका थिए ।
यो पनि : संसद विघटन विरुद्ध पाँच विद्यार्थी सङ्गठनले ७७ वटै जिल्लामा प्रदर्शन गर्ने
यसैबीच नवलपरासी (ब.सु.प.) जिल्लाका पाँच विद्यार्थी संगठनले जिल्लामा विरोध प्रदर्शनको तयारी गरेका छन् । हिजो बसेको संयुक्त बैठकले केन्द्रको निर्देशनअनुसार विरोध प्रदर्शन गर्ने निर्णय गरेको हो ।
