काठमाडौं । प्रधानमन्त्री केपी शर्मा ओलीले विश्वासको मत लिनुहुने भएको छ । आइतबार बसेको मन्त्रिपरिषद बैठकमा ओलीले यसबारे जानकारी गराउनुभएको थियो ।

प्रधानमन्त्रीले संसदमा विश्वासको मत लिन्छु भनी प्रस्ताव पेस गरेमा सो प्रस्ताव प्रतिनिधि सभामा रहेका बहुमत सदस्यद्वारा स्वीकृत हुनुपर्छ । बहुमत प्राप्त हुन नसकेमा प्रधानमन्त्री पदमुक्त हुनेछन् ।

हाल संसद अधिवेशन अन्त्य गरिएको छ तर जेठ १५ मा बजेट ल्याउनैपर्ने संवैधानिक प्रावधानका कारण अब छिट्टै संसद अधिवेशन आह्वान गरिने छ ।

आजै बसेको नेकपा (एमाले) को आकस्मिक स्थायी कमिटीको बैठकलगत्तै प्रधानमन्त्री ओली राष्ट्रपति विद्यादेवी भण्डारीलाई भेट्न शितल निवास पुग्नुभएको थियो ।