खुम रायामाझी,कुवेत ।
कुवेतमा एक नेपालीको निधन भएको छ। कपिलवस्तु वाणगंगा नगरपालिका वडा नं.४ डुँगाका यम ठकुरीको कुवेतमा मृत्‍यु भएको हो।

उच्च रक्तचापको कारण केही दिनदेखि कुवेतस्थित आदान अस्पतालमा उपचार गराइरहेका ३० वर्षीय ठकुरीको गत १९ मार्च २०२१ का दिन मृत्यु भएको उनका आफन्त बल बहादुर खाँडले युगदर्शनलाई बताउँनु भयो।

खाँडका अनुसार मृतक यम ठकुरीले विगत ७ वर्ष देखि कुवेतका विभिन्न कम्पनीमा काम गर्दै आएका थिए । उनको मृत्यु बारे कुवेत स्थित नेपाली राजदूतावासलाई प्रारम्भिक रिपोर्ट आइसकेको कुरा बुझिएको छ।

उनी कार्यरत कम्पनी र मृतककोपरिवारसँग समन्वय गरी शवलाई नेपाल पठाउने प्रकृया शुरु भइसकेको हुँदा छिटो भन्दा छिटो नेपाल पठाइने नेपाली राजदूतावासका द्वितिय सचिव श्रीकृष्ण सिलवालले बताउँनु भएको छ। मृतकको घरमा १ श्रीमती र १ छोरा रहेको जानाकारी आएको छ।