खिमराज चालिसे, चंडिगढ ।
भारतको पञ्जाव राज्यको संगरुरमा दिमागी सन्तुलन ठिक नभएका एक नेपाली युवक मूल प्रवाहको सम्पर्कमा आएका छन् । दिमागी रुपमा अस्वस्थ युवकको आफन्तको खोजीका लागि मूल प्रवाह अखिल भारत नेपाली एकता समाजले पहल गरेको छ ।

समाजका संगरूर नगर समिति अध्यक्ष खिमराज पोख्रेलले आफन्तहरुको खोजीकार्यमा सहयोग गरिदिनुहुन सबैलाइ अनुरोध गर्नुभएको छ।

सोधपुछका क्रममा ती युवकले आफू अमरसिंह थापाको छोरा प्रेमबहादुर थापा क्षेत्री वर्ष २० को भएको र घर कहिले ओखलढुङ्गा त कहिले काठमाडौं बताउने गरेको पोख्रेलले बताउनुभयो ।

उनलाइ संगरुरको पिगलवाडा (मानसिक रोगीहरु राख्ने आश्रयस्थल) मा राखिएको छ । उनका आफन्तहरुले मूल प्रवाह संगरूरका अध्यक्ष खिमराज पोख्रेलको मोबाइल नम्बर ं९१–८३६००७५१५७ मा सम्पर्क गर्न मूल प्रवाहले आग्रह गरेको छ ।