खिमबहादुर विक, हैदराबाद (भारत)
मूल प्रवाह मध्य दक्षिण क्षेत्रीय समिती अन्तर्गत हैदराबाद उत्तर नगर समिती जुब्ली हिल्स ‘बी’ एरिया समितिका सदस्य तथा एक कुसल भलिबल खेलाडी तुल बहादुर परियारको निधन भएको छ ।
बागलुङ जिल्लाको बरेङ गाउँपालिका–२ हुद्गिसिरका तुलबहादुर लामो समयदेखि हैदराबादमा परिवारसहित रोजगारी गर्दै आउनु भयेको थियो । उहाँको ४२ वर्षको उमेरमा मंगलबार उपचारको क्रममा गान्धी अस्पतालमामा देहान्त भएको हो ।
बिगत दुई वर्षदेखि प्यारालाइसिस, डाइबिटिज, किड्नीलगायतका समस्याबाट ग्रसित तुलबहादुरलाई बचाउन परिवारले भरमग्दुर प्रयास गरेपनि सफल हुन सकेन । उहाँको एक छोरा, दुई छोरी र श्रीमती हुनुहुन्छ ।
उहाँको मंगलबार नै स्थानीय पन्जागुटा श्मशान घाट्मा अन्तिम संस्कार गरिएको छ। सो क्रममा मूल प्रवाह जुब्लिहिल्स एरियाले श्रद्धाञ्जली सभा पनि गरेको छ ।
एरिया सचिव केदार शर्माको सन्चालन, चन्दा परियारको अध्यक्षतामा सम्पन्न श्रद्धाञ्जली सभामा क्षेत्रीय सचिवालय सदस्य घनश्याम शर्मा, मध्य नगर सदस्य कुमार थापा, उत्तर हैदरावाद नगर कोषाध्यक्ष तेजेन्द्र शर्मा, उत्तर नगर समितीका खिमबहादुर परियार र आफन्तजन सेरबहादुर परियार र नारायण बर्माले शोक मन्तव्य द्वारा श्रद्धाञ्जली दिनु भएको थियो ।
मूल प्रवाहले एक कुसल भलिबल खेलाडी र असल कार्यकर्ता गुमाएको छ । उहाँको निधनप्रति मध्य दक्षिण समितीले हार्दिक श्रद्धाञ्जली सहित परिवारजनमा गहिरो समवेदना प्रकट गरेको छ ।
