काठमाडौं । भारतको उत्तराखण्डस्थित चमोलीमा आइतबार हिमताल फुटेर आएको बाढीमा परी मृत्यु भएका मध्ये १० जना नेपालीको पहिचान खुलेको छ । ११ जना नेपाली अझै बेपत्ता छन् ।
मजदुरलाई ठेकेदारले दिएको टोकन नम्बरका आधारमा १० जना नेपालीको शवको पहिचान भएको स्थानीय अधिकारीहरुले जनाएका छन् । उनीहरु सबै जुम्ला र कालिकोट जिल्लाका हुन् ।
ज्यान गुमाउनेमा गणेश नेपाली, जगतबहादुर नेपाली, प्रताप सिंह, गोविन्द सिंह, रणजित सिंह, शंकर, मकर सिंह, मदन सिंह, नरेन्द्रबहादुर र रमेश नेपाली छन् ।
स्थानीय सडकमा मजदुरी गर्दै आएका १० नेपाली कामदारको बाढीमा परेर मृत्यु भएको हो । बाढीमा परेर अझै १ सय ७५ जना हराइरहेका छन् जसमध्ये ११ जना नेपाली बेपत्ताको सूचीमा छन् ।
हिमताल फुट्दा धौलीगंगा र अलकनन्दासहितका नदीमा ठूलो बाढी आएको थियो । बाढीमा परेर विद्युत आयोजना र सडक निर्माणमा खटिएका नेपाली र भारतीय मजदुर र स्थानीयबासीसहित दुई सय भन्दा धेरै बेपत्ता भएका थिए । बेपत्ताहरुको खोजी अहिले पनि चलिरहेको छ।
बेपत्तामध्ये ३० भन्दा बढी मजदुर र स्थानीयवासीको शव फेला परिसकेको छ।
उत्तर भारतको बाढी : ११ शव फेला, २०३ अझै बेपत्ता
