जनकराज पौडेल,पाण्डीचेरी (भारत) ।
मूल प्रवाह अखिल भारत नेपाली एकता समाज पाण्डेचरी नगर समिति अन्तर्गत मुदलियरपेट एरिया समितिको २६ औं वार्षिक एरिया सम्मेलन भब्य रुपमा सम्पन्न भएको छ ।
सम्मेलनमा समाजका केन्द्रीय सचिव तथा नगर अध्यक्ष जनक पौडेल, केन्द्रीय सदस्य भगवती कुँवर, केन्द्रीय पार्षद चन्द्रकान्त शर्मा, नगर उपाध्यक्ष नरबहादुर केसी, नगर सचिव गोबिन्द शर्मा, नगर सदस्य भद्रबहादुर जिसि, नगर सदस्य श्रीकृष्ण खनाल, जनजाति विभागबाट सोमबहादुर चौधरी, समता विभागबाट सूर्य गायक, महिला विभाग अध्यक्ष विस्णु शर्माको आतिथ्यता रहेको थियो ।
सम्मेलनको उद्घाटन केन्द्रीय सचिव तथा नगर अध्यक्ष जनकराज पौडेलले गर्नुभएको थियो । त्यस क्रममा पौडेलले सङगठनको महत्त्व र देशको बर्तमान राजनिति स्थितिबारे स्पस्ट पार्दै ओली सरकारको अप्रजातान्त्रिक र असंवैधानिक कदमको कडा शब्दमा बिरोध गर्दै आन्दोलनका उपलब्धी, गणतन्त्र धर्मनिपेक्षताको संरक्षण गर्दै संसदको पुनर्स्थापना हुनु पर्नेमा जोड दिनु भएको थियो ।
अहिलेको आन्दोलन त्यहाँ केन्द्रित हुँदै आवाश्यक परे प्रवाशी नेपाली मजदुरहरु उक्त आन्दोलनमा सरिक हुन तयार हुनुपर्ने धारण ब्यक्त गर्नु भएको थियो ।
सम्मेलन सफलताको शुभकामना दिनेहरुमा जनजाति विभाग तथा अरोभिल हेडनचौडि एरिया समितिबाट सोमबहादुर चौधारी, केन्द्रीय सदस्य भगवती कुँवर, समता विभागबाट सूर्य गायक, जिपमेर एरियाबाट श्रीकृष्ण खनाल, महिला विभाग विष्णु शर्मा र खगेस्वर सुनार हुनुहुन्थ्यो ।
सम्मेलनले बिनोदकुमार गन्धर्व अध्यक्ष रहेको १३ जना सदस्यीय समिति चयन गरेको छ । जसमा उपाध्यक्ष सूर्य गायक, सचिव रबि पौडेल, सह सचिव मिना गायक, कोषाध्यक्ष भद्रबहादुर जिसि र सदस्यहरुमा नरबहादुर केसी, गंगाराम शर्मा, राजु पराजुली, परशुराम शर्मा, माधव पौडेल, सरस्वती गायक, तुलसी गायक र रेखा गायक रहनु भएको छ।
नवनिर्वाचित समितिलाई केन्द्रीय पार्षद सदस्य चन्द्रकान्त शर्मा र नगर सचिव गोबिन्द शर्माले बधाई दिनु भएको थियो ।
विनोद कुमार गन्धर्वको अध्यक्षता र सचिव रवि पौडेलले संचालन गर्नु भएको कार्यक्रममा गंगाराम शर्माले स्वागत गर्नु भएको थियो भने रक्तिम कलाकारहरुले गीतबाट स्वागत गर्नु भएको थियो ।
